ءبىلىم ءمينيسترى: كارانتين كەزىندە مۇعالىمدەر جاڭا كاسىپتى مەڭگەردى

None
None
نۇر-سۇلتان. قازاقپارات – ق ر ءبىلىم جانە عىلىم ءمينيسترىنىڭ بۇيرىعىنا سايكەس، جاس ۇرپاقتى وقىتۋ جانە تاربيەلەۋ ىسىندەگى ەلەۋلى تابىستارى ءۇشىن ءبىرقاتار پەداگوگ «ى. التىنسارين» بەلگىسىمەن ماراپاتتالادى، دەپ حابارلايدى قازاقپارات ءتىلشىسى.

«ءبىز سىزدەردى ى. التىنسارين اتىنداعى ۆەدومستۆولىق مەدالمەن ماراپاتتايمىز. بۇگىنگى كەزدەسۋدى ونلاين رەجيمدە وتكىزگەندىكتەن، ماراپاتتاۋ ءراسىمى دە وسىعان سايكەس جۇرگىزىلەدى. كەيىننەن وسى توسبەلگىلەر ماراپاتتالعان ۇستازدارعا تاپسىرىلادى»، - دەدى ءبىلىم جانە عىلىم ءمينيسترى اسحات ايماعامبەتوۆ ونلاين رەجيمدە مۇعالىمدەردىڭ قاتىسۋىمەن وتكەن كونفەرەنسيادا.

سونىمەن قاتار مينيستر تەلەساباقتاردى دايارلاۋعا بەلسەندى قاتىسقان بارلىق مۇعالىمدەر مەن ادىسكەرلەرگە العىسىن ايتتى.

«سىزدەر اۋقىمدى جۇمىس اتقاردىڭىزدار. قازىر تەلەجۇلدىزعا اينالدىڭىزدار، ياعني قىسقا مەرزىمدە جاڭا كاسىپتى مەڭگەرىپ شىقتىڭىزدار. ءبىزدىڭ مۇعالىمدەر ءبىر اپتانىڭ ىشىندە تەلەجۇرگىزۋشىلىكتى مەڭگەرىپ، وسى ماماندىقتىڭ قىر-سىرىن ۇيرەندى. ءۇش مىڭنان استام تەلەساباق دايىندالدى»، - دەدى ا. ايماعامبەتوۆ.

بۇدان بولەك، تاۋەلسىز قازاقستاننىڭ رۋحاني جانە الەۋمەتتىك دامۋ جولىندا قول جەتكىزگەن تابىستارى مەن گۇلدەنۋىنە قوسقان زور ۇلەسى ءۇشىن قۇرمەت گراموتاسىمەن 120 پەداگوگ پەن 104 ادىسكەر ماراپاتتالادى.

سوڭعى جاڭالىقتار