+7 (701) 759 90 19
20 °С : نۇر-سۇلتان
19 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مەملەكەت باسشىسى التاي كولگىنوۆتى قابىلدادى

25 مامىر 15:12
:ءبولىسۋ
مەملەكەت باسشىسى التاي كولگىنوۆتى قابىلدادى

نۇر-سۇلتان. قازاقپارات - قازاقستان پرەزيدەنتى نۇر-سۇلتان قالاسىنىڭ اكىمى التاي كولگىنوۆتى قابىلدادى، دەپ حابارلايدى اقوردا.

قاسىم-جومارت توقايەۆقا ەلوردانىڭ الەۋمەتتىك-ەكونوميكالىق دامۋى جانە 2019 -جىلى قازان ايىنداعى كەڭەستە بەرىلگەن تاپسىرمالاردىڭ ورىندالۋ بارىسى تۋرالى باياندالدى. التاي كولگىنوۆتىڭ ايتۋىنشا، مەملەكەت باسشىسىنىڭ تاپسىرماسىمەن بيىل قولجەتىمدى تۇرعىن ءۇي قۇرىلىسى ايتارلىقتاي جاندانا تۇسكەن.

وسى ورايدا باسپانا كەزەگىندە تۇرعان ازاماتتار مەن حالىقتىڭ الەۋمەتتىك تۇرعىدان قورعالماعان توپتارى ءۇشىن 8 مىڭ پاتەردى پايدالانۋعا بەرۋ جوسپارلانىپ وتىر. سونىمەن قاتار پرەزيدەنتكە ۇلەسكەرلەردىڭ پروبلەماسىن شەشۋ جانە بىتپەي قالعان تۇرعىن ۇيلەردىڭ قۇرىلىسىنا قاتىستى احۋالدى رەتتەۋ جايىندا مالىمەت بەرىلدى. مەملەكەت باسشىسى جۇمىسپەن قامتۋدىڭ جول كارتاسىنىڭ ورىندالۋىن ەرەكشە باقىلاۋدا ۇستاۋ قاجەتتىگىن ايتتى.

سونداي-اق ينفراقۇرىلىمدىق جوبالاردى، ونىڭ ىشىندە، مەكتەپتەر مەن وڭالتۋ ورتالىعىن سالۋ، جولدار مەن الەۋمەتتىك نىسانداردى جوندەۋ، كوشەلەردى، تۇرعىن ءۇي الاپتارى مەن قوعامدىق ورىنداردى اباتتاندىرۋ سياقتى جۇمىستاردى ساپالى جۇزەگە اسىرۋدىڭ ماڭىزدىلىعىن اتاپ ءوتتى. بۇدان بولەك كەزدەسۋدە ينۆەستيتسيا تارتۋ، شاعىن جانە ورتا بيزنەستى قولداۋ، الەۋمەتتىك جاعدايى تومەن ازاماتتارعا كومەك كورسەتۋ ماسەلەلەرىنە باسا ءمان بەرىلدى. كەزدەسۋ قورىتىندىسى بويىنشا قازاقستان پرەزيدەنتى قۇرىلىس سەكتورىنداعى جۇمىستاردىڭ كولەمىن ارتتىرۋ، ءۇش اۋىسىمداعى مەكتەپتەردىڭ ماسەلەسىن شۇعىل شەشۋ، سونداي-اق، جۇمىسسىز قالا تۇرعىندارىن جۇمىسپەن قامتۋ جونىندە تاپسىرما بەردى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات