+7 (701) 759 90 19
19 °С : نۇر-سۇلتان
17 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

تورەعالي تورەالى: ديماشتى مەملەكەتتىڭ قورعاۋىنا الىپ، قامقورلىق كورسەتۋ كەرەك

25 مامىر 16:43
:ءبولىسۋ
تورەعالي تورەالى: ديماشتى مەملەكەتتىڭ قورعاۋىنا الىپ، قامقورلىق كورسەتۋ كەرەك

نۇر-سۇلتان. قازاقپارات – وتاندىق ەسترادا جۇلدىزى تورەعالي تورەالى قازاق اتىن كۇللى الەمگە تانىتىپ جۇرگەن ديماش قۇدايبەرگەنگە جۇرەكجاردى جازبا ارنادى.

ول 26 جاسقا تولعان تۋما تالانت تۋرالى بار ويىن ورتاعا سالىپ، ونى مەملەكەتتىك دەڭگەيدە قورعاۋعا الۋدى ۇسىندى.

تورەعالي تورەالى ونەردەگى ءىنىسىنىڭ قۇرمەتىنە ارناعان جازباسىن Instagram پاراقشاسىندا جاريالادى. وندا ول قايرات نۇرتاس ەكەۋىن ديماشپەن سالىستىرىپ جاتاتىندارعا جاۋاپ بەرگەن. ونەر يەسى ولاردىڭ ءوزارا اراقاتىناسىنا قاتىستى قاۋەسەتتەردى جوققا شىعارىپ، اركەز ديماشقا تىلەكشى ەكەنىن العا تارتتى.

«جيىرما ءبىرىنشى عاسىردا جارق ەتىپ الەم اسپانىن ءان شۇعىلىسىنا بولەپ، اناۋ-مىناۋ ادامنىڭ باسى اينالاتىن بيىككە كوتەرىلگەن - ديماش باۋىرىمىز بولدى. بۇعان ءبارىمىز قۋاندىق ءھام تىلەكشىمىز. ونى دا سان-ساققا جۇگىرتىپ، الىپ-قاشپا اڭگىمەگە اينالدىرىپ الاتىن قازاقىلىعىمىز دا قالماي ءبىراز جەرگە دەيىن ەرىپ كەلدى. ءبىراق ول ءۇشىن ديماش بىزگە وكپەلەگەن جوق، تەك ءوز ۇلتىن قالاي ءسۇيۋ كەرەكتىگىن، وعان قالاي قۇرمەت كورسەتىپ، قىزمەت جاساۋ كەرەكتىگىن ىسپەن دالەلدەپ كەلە جاتىر. ديماشتى سىرتتاي مەنىمەن، قايراتپەن سالىستىرىپ، اراكىدىك وت سالىپ وتىراتىن پىكىرلەردى كورىپ قالىپ، قىنجىلىپ قالامىن. ءبىز قايرەكەڭ ەكەۋمىز دە ديماش باۋىرىمىزدىڭ جانە سول سياقتى ەلىمىزدىڭ تالانتتى ۇل-قىزدارىنىڭ تەك تىلەۋقور، جاناشىرى ەكەنىمىز اللاعا ايان. ەشقاشان باق تالاستىرىپ، باقاستىق تۋرالى ويلاپ كورمەپپىز.

ءتىپتى ديماشتىڭ اكەسى قانات اعامەن مەنىڭ اكەمنىڭ دوستىعى، جولداستىعى سوناۋ اقتوبەدەن باستاۋ العانىن بىرەۋ بىلسە، بىرەۋ بىلمەس. ول اڭگىمەگە ارنايى توقتالامىز.

«كەرۋەننىڭ جولى ءبىر بولعانىمەن، نەسىبەسى ءارتۇرلى» دەگەن قازاق. باۋىرىمىزدى ءتىپتى مەملەكەتتىڭ قورعاۋىنا الىپ، قامقورلىق كورسەتسە دە ارتىقتىق ەتپەيدى. سەبەبى مۇنداي فەنومەن قازاققا ەندى قاشان كەلەتىنىن قۇداي ءبىلسىن! بۇگىنگى تۋعان كۇنىڭ قۇتتى بولسىن، ديماش! وزىڭدە تەگىن جىگىت ەمەسسىڭ عوي، تۋعان كۇنىڭ ايت مەرەكەسىمەن تۇسپا-تۇس كەپتى. ارعى اتالارىڭنىڭ ايتپاي ەكەنىن ەسكەرسەك بۇل مەرەكەنىڭ دە ساعان قانداي ىستىق ەكەنىن بىلەمىن. اللا جولىڭدى اشىق قىلسىن باۋىرىم»، - دەپ جازدى تورەعالي.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات