+7 (701) 759 90 19
20 °С : نۇر-سۇلتان
19 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ق ر ىشكى ىستەر ءمينيسترى بلوكپوستا كوز جۇمعان پوليتسەيلەر تۋرالى ايتتى

25 مامىر 16:15
:ءبولىسۋ
ق ر ىشكى ىستەر ءمينيسترى بلوكپوستا كوز جۇمعان پوليتسەيلەر تۋرالى ايتتى

نۇر-سۇلتان. قازاقپارات – ق ر ىشكى ىستەر ءمينيسترى ەرلان تۇرعىمبايەۆ قىزمەتتىك بورىشىن وتەۋ بارىسىندا قازا تاپقان پوليتسيا اعا لەيتەنانتى جاراس جانعازيەۆ پەن پوليتسيا سەرجانى داستان ءابدىقانوۆتىڭ وتباسىنا كوڭىل ايتتى، دەپ حابارلايدى قازاقپارات.

«قايعىلى جاعدايدا قازا تاپقان پوليتسەيلەر توتەنشە جاعدايدىڭ ەرەكشە رەجيمىندە 2 ايدان استام ۋاقىت جۇمىس ىستەدى. ولار كۇندەلىكتى قىزمەتتەرىندە كارانتيندىك شارالاردى قامتاماسىز ەتىپ، قوعامدىق ءتارتىپتى قورعادى. اعا لەيتەنانت جاراس جانعازيەۆ الماتى قالاسىنىڭ پاتۋرلدىك پوليتسيا پولكىنىڭ ينسپەكتورى بولىپ جۇمىس ىستەدى. 19 جىل بويى قىزمەتتىك مىندەتتەرىن ابىرويمەن اتقارىپ، ءمىنسىز قىزمەتى ءۇشىن بىرنەشە مارتە ىنتالاندىرىلدى، ونىڭ ىشىندە ۆەدومستۆولىق ناگرادالار الدى. كوپتەگەن جاس پوليتسەيلەر ءۇشىن تالىمگەر ءارى ۇلگى بولا ءبىلدى. جاراس جانعازيەۆ ءوز ءىسىنىڭ كاسىبي مامانى عانا ەمەس، سونىمەن بىرگە جاقسى اكە ەدى. ونىڭ ارتىندا ەكى قىزمەن ءۇشىنشى سابيلەرىن كۇتكەن جارى قالدى»، - دەدى ەرلان تۇرعىمبايەۆ ۆەدومستۆونىڭ Telegram كانالىندا.

ءمينيستردىڭ اتاپ وتۋىنشە، پوليتسيا سەرجانتى داستان ءابدىقانوۆ 4 جىلدىق قىزمەت جولىندا ءوزىن جاۋاپكەرشىلىگى مول، ۇستانىمى بەرىك ءارى تىڭعىلىقتى ورىنداۋشى قىزمەتكەر رەتىندە كورسەتە ءبىلدى. وتكەن جىلى عانا شاڭىراق كوتەردى جانە ءبىر اي بۇرىن عانا قىزى دۇنيەگە كەلگەن بولاتىن.

«وكىنىشكە وراي، قايعىلى وقيعا ولاردىڭ ءومىرىن قيپ كەتتى. ەكى قىزمەتكەر دە ۇزدىكتەردىڭ قاتارىندا ەدى جانە وتانىمىزعا ءالى دە كوپ ەڭبەك سىڭىرە الاتىن. ىشكى ىستەر مينيسترلىگىنىڭ بارلىق جەكە قۇرامى ولاردىڭ تۋعان-تۋىستارىمەن بىرگە ازا تۇتادى. بارلىعىمىز ءۇشىن بۇل ورنى تولماس قازا بولىپ وتىر»، - دەدى ول.

ەسكە سالساق، الماتى وبلىسى اۋماعىنداعى بلوكپوستا بولعان كولىك اپاتىنان ەكى پوليتسەي كوز جۇمعانىن، ولاردىڭ ارتىندا جارى مەن بالالارى قالعانىن حابارلاعان ەدىك.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات