+7 (701) 759 90 19
1
USD 412.55 EUR 468.66
RUB 5.79 CNY 58.80
جاڭالىقتار

ق ر اقپارات جانە قوعامدىق دامۋ ءمينيسترى مەكتەپتەگى ۇستازدارىنا العىس ايتتى

25 مامىر 15:57
:ءبولىسۋ
ق ر اقپارات جانە قوعامدىق دامۋ ءمينيسترى مەكتەپتەگى ۇستازدارىنا العىس ايتتى

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى ايدا بالايەۆا مەكتەپ وقۋشىلارىن وقۋ جىلىنىڭ اياقتالۋىمەن قۇتتىقتادى، دەپ حابارلايدى قازاقپارات ءتىلشىسى.

«25-مامىردا ءداستۇر بويىنشا مەكتەپ وقۋشىلارى مەن مۇعالىمدەر وقۋ جىلىنىڭ اياقتالۋىن اتاپ وتەدى. ال تۇلەكتەر ءبىلىم جانە تاربيەنىڭ بەسىگىنە اينالعان التىن ۇيا مەكتەبىمەن قوشتاسىپ، سان تاراۋلى ءومىر جولىنا اياق باسادى. وكىنىشكە وراي، بيىل بالالاردىڭ كوپشىلىگى سوڭعى قوڭىراۋ ءۇنىن ەستىمەيدى، كوروناۆيرۋس پاندەمياسى ادام جوسپارلارىنا تۇزەتۋلەر ەنگىزدى»، - دەپ جازدى مينيستر Facebook-پاراقشاسىندا.

ۆەدومستۆو باسشىسى سونىمەن قاتار، ەلىمىز ءۇشىن وسىناۋ قيىن كەزەڭدە، باسقا دا ماڭىزدى ماماندىقتار ساناتىندا ۇستاز ەڭبەگىنىڭ قادىرىن دە، اۋىرتپالىعىن دا، ماڭىزىن دا كوپتەگەن قازاقستاندىقتار تەرەڭ سەزىنگەنىن باسا تاپ وتەدى.

«وسى ورايدا، ءوزىمنىڭ دە اسىل ۇستازدارىم، ماعان بىلىممەن بىرگە، ءتالىم-تاربيە بەرگەن الماتى وبلىسىنىڭ جامبىل ورتا مەكتەبىنىڭ مۇعالىمدەرىنە العىسىمدى بىلدىرەمىن. مەكتەپ قابىرعاسىنان مۇعالىمدەرىمنىڭ ەڭبەگىنىڭ ارقاسىندا قالىپتاسقان قاسيەتتەر ماعان ماقساتتارىما جەتۋگە، ءوز كاسىبىمدى اداسپاي تابۋعا، جەمىستى جۇمىس ىستەۋگە جانە ءومىر بويى ىزدەنىستە بولۋعا مۇمكىندىك بەردى. ەلىمىزدىڭ بارلىق تۇلەكتەرىن وقۋ جىلىنىڭ اياقتالۋىمەن قۇتتىقتايمىن جانە ماماندىق تاڭداۋدا وتە مۇقيات بولۋعا كەڭەس بەرەمىن. كاسىپ - ومىرلىك رۋحاني دا ازىق. ادام ءوزىنىڭ سۇيىكتى ىسىمەن اينالىسقان كەزدە عانا باقىتتى بولا الادى. ماقسات قويىڭىز، ەڭبەكقور، ءتارتىپتى جانە ماقساتتى بولىڭىز، سوندا بارلىق ارماندار ورىندالادى!»، - دەدى ايدا بالايەۆا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات