+7 (701) 759 90 19
-3 °С : نۇر-سۇلتان
5 °С : الماتى
USD 432.64 EUR 505.02
RUB 5.47 CNY 64.7
جاڭالىقتار

ەرلان قارين: «بەيبىت جيىندار تۋرالى» زاڭ - قوعامدى دەموكراتيالاندىرۋ باعىتىنداعى ماڭىزدى

25 مامىر 17:45
:ءبولىسۋ
ەرلان قارين: «بەيبىت جيىندار تۋرالى» زاڭ - قوعامدى دەموكراتيالاندىرۋ باعىتىنداعى ماڭىزدى

وقيعا نۇر-سۇلتان. قازاقپارات – ق ر پرەزيدەنتىنىڭ كەڭەسشىسى ەرلان قارين مەملەكەت باسشىسى قول قويعان «بەيبىت جيىندار تۋرالى» جاڭا زاڭعا قاتىستى پىكىر ءبىلدىردى، دەپ حابارلايدى قازاقپارات.

«مەملەكەت باسشىسى «بەيبىت جيىندار تۋرالى» جاڭا زاڭعا قول قويدى. بۇل ۇلتتىق كەڭەستىڭ اياسىندا ۇسىنىلىپ، دايىندالعان پرەزيدەنتتىك ساياسي رەفورمالار پاكەتىنىڭ العاشقى ۇلكەن ناتيجەلەرىنىڭ ءبىرى. تۇڭعىش رەت ۇلتتىق زاڭنامادا بەيبىت جيىندار مەن شەرۋلەردى وتكىزۋدە رۇقسات الۋ ءتارتىبىنىڭ ورنىنا حابارلاندىرۋ ءتارتىبى ەنگىزىلىپ وتىر» دەپ جازدى ول.

سونداي-اق، ەرلان قارين جاڭا زاڭعا سايكەس ءاربىر قالانىڭ اۋداندارىنىڭ ورتالىعىندا مىندەتتى تۇردە ءۇش ورىن بەرىلەتىنىن ايتتى. ودان بولەك، ەگەر جيىن يا شەرۋ بارىسىندا زاڭ بۇزۋشىلىق ورىن الىپ، ۇيىمداستىرۋشىلار تاراپىنان ءتيىستى شارالار قابىلدانسا، ول جيىن توقتاتىلمايتىنىن، ياعني جاڭا زاڭ ازاماتتارعا بەيبىت جيىندى وتكىزۋدەگى قۇقىعىن باسىمدىق رەتىندە بەكىتكەنىن اتاپ ءوتتى.

«بۇل زاڭنىڭ قابىلدانۋى ەلىمىزدىڭ ساياسي قوعامدىق ءومىرىنىڭ ودان ءارى دەموكراتيالاندىرۋ باعىتىنداعى ماڭىزدى وقيعا بولىپ تابىلادى. سونىمەن قاتار، پرەزيدەنت قاسىم-جومارت توقايەۆتىڭ باستاماسىمەن قۇرىلعان ۇلتتىق قوعامدىق سەنىم كەڭەسىنىڭ ناتيجەلى جۇمىسىنىڭ ايقىن كورىنىستەرىنىڭ ءبىرى. ۇلتتىق كەڭەستىڭ مۇشەلەرى اتالعان زاڭنىڭ دايىندالۋىنان باستاپ، تالقىلاۋلاردىڭ بارلىق ساتىلارىنا بەلسەنە ات سالىسىپ، زاڭ جوباسىنىڭ جەتىلدىرۋىنە ۇلكەن ۇلەس قوستى. سوندىقتان وسى زاڭنىڭ قابىلدانۋىمەن ۇلتتىق كەڭەستەگى ارىپتەستەرىمدى دە قۇتتىقتاپ، العىسىمدى بىلدىرەمىن» دەپ پىكىر بىلدىرگەن ءوز جازباسىندا.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات