+7 (701) 759 90 19
0 °С : نۇر-سۇلتان
20 °С : الماتى
USD 429.59 EUR 507.3
RUB 5.62 CNY 64.1
جاڭالىقتار

الماتىدا حالىققا قىزمەت كورسەتۋ ورتالىقتارى جۇمىسىن باستاپ كەتتى

25 مامىر 14:57
:ءبولىسۋ
الماتىدا حالىققا قىزمەت كورسەتۋ ورتالىقتارى جۇمىسىن باستاپ كەتتى

الماتى. قازاقپارات - الماتى قالاسىنىڭ باس سانيتار دارىگەرىنىڭ شەشىمىمەن بۇگىننەن باستاپ قالاداعى حالىققا قىزمەت كورسەتۋ ورتالىقتارى اشىلدى، دەپ حابارلايدى قازاقپارات ءتىلشىسى.

«الماتىلىقتار ح ق و- دا ەلەكتروندى فورماتتا قولجەتىمسىز، «قاعاز» جۇزىندەگى قىزمەتتەردى عانا الا الادى. بۇل شامامەن 100 مەملەكەتتىك قىزمەت، ولاردى الۋ ءۇشىن ح ق و- عا بارۋ قاجەت. سونداي-اق، ح ق و- دان egov.kz پورتالى ارقىلى ونلاين تۇردە راسىمدەلگەن قىزمەتتەردىڭ دايىن ناتيجەسىن الۋعا بولادى. مەملەكەتتىك قىزمەت كورسەتۋدىڭ جاڭا فورماتىنا كوشۋگە بايلانىستى نىساندار ەپيدەمياعا قارسى بارلىق سانيتاريالىق رەجيمدى قاتاڭ ساقتاۋ، الەۋمەتتىك قاشىقتىق جانە ادامدار اعىنىن رەتتەۋ سەكىلدى شارالاردى ساقتاي وتىرىپ جۇمىس ىستەۋدە»، - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ديرەكتورى دانيار قىرىقبايەۆ.

وسىلايشا، قالادا 16 فرونت- وفيس، 5-مامانداندىرىلعان ح ق و، 2 - ميگراتسيالىق، 2-سيفرلىق قىزمەت كورسەتۋ ورتالىقتارى اشىلدى. 1600 دەن استام قىزمەتكەر جۇمىسقا شىقتى. ونىڭ ىشىندە كليەنتتەرمەن تىكەلەي بايلانىستا جۇمىس ىستەيتىن 933 فرونت- وفيس مامانى بار. جۇمىس ۋاقىتى دۇيسەنبى مەن سەنبى ارالىعىندا، تاڭعى ساعات 9.00 دەن 18.00 گە دەيىن. الدىن الا جازىلۋسىز ح ق و- لاردا ەشقانداي قىزمەت كورسەتىلمەيدى. ح ق و- عا بارۋ ءۇشىن كەزەك ۋاقىتىن 1414 بايلانىس ورتالىعى نەمەسە نەمەسە egov.kz پورتالىنداعى ارنايى سەرۆيس ارقىلى الدىن الا برونداۋ قاجەت بولادى. «قالعان، ەلەكتروندى فورماتقا اۋدارىلعان جانە egov.kz پورتالىندا قولجەتىمدى بارلىق مەملەكەتتىك قىزمەتتىڭ %80 دان استامىن تەك وزدىگىنەن نەمەسە اكىمدىكتەر جانىنداعى كەڭسەلەردە، وقۋ ورىندارىندا، مەديتسينالىق ۇيىمداردا، ەكىنشى دەڭگەيدەگى بانكتەردە، جۇمىسپەن قامتۋ جانە الەۋمەتتىك باعدارلامالار بولىمدەرىندە، «نۇر وتان» پارتياسى كەڭسەلەرىندە، ساۋدا ورتالىقتارىندا، اۆتوسالونداردا، جانە ت. ب. ورىندارداعى وزىنە-ءوزى قىزمەت كورسەتۋ سەكتورلارىنان الا الادى. بۇل ازاماتتاردىڭ ح ق و- دا كوپتەپ جينالۋىن بولدىرمايدى جانە ۆيرۋستى جۇقتىرۋ ءقاۋپىن جويادى»، - دەيدى فيليال ديرەكتورى دانيار قىرىقبايەۆ.

بۇگىنگى تاڭدا، الماتى قالاسى فيليالى ۇيدەن شىقپاي-اق مەملەكەتتىك قىزمەتتەردى ەلەكتروندىق فورماتتا الۋعا مۇمكىندىگى جوق ادامدارعا 40 قا جۋىق eGov بۇرىشى دايىندالدى. زەينەتكەرلەر، كوپبالالى وتباسىلار مەن مۇگەدەكتەر ءۇشىن ءار فرونت-وفيستە جەڭىلدىك تەرەزەسى جۇمىس ىستەيدى. ولار دا ح ق و- عا باراتىن ۋاقىتىن الدىن الا برونداۋى كەرەك.

«ح ق و-عا تەك ماسكامەن كىرگىزىلەدى. عيماراتتىڭ الدىندا كەلۋشىلەردىڭ الەۋمەتتىك قاشىقتىقتى ساقتاۋ ءۇشىن ارنايى تاڭبالار سىزىلعان. كوروناۆيرۋس ينفەكسياسىن جۇقتىرۋ قاۋپى ءالى جويىلعان جوق، بۇل شارالاردىڭ بارلىعى الماتىلىقتاردىڭ قاۋىپسىزدىگىن قامتاماسىز ەتۋ ءۇشىن قابىلدانعان»، - دەپ قورتىندىلادى دانيار قىرىقبايەۆ.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات