بيىل قازاقستاندا ساتىلعان ەڭ قىمبات كولىكتەردىڭ رەيتينگى جاسالدى

None
None
نۇر-سۇلتان. قازاقپارات - بيىلعى ءتورت ايدا قازاقستاندا 18 368 جەڭىل ءارى جەڭىل كوممەرتسيالىق جاڭا اۆتوكولىك ساتىلدى.

بۇل تۋرالى «قازاۆتوونەركاسىپ» اۆتوكولىك سالاسىنداعى كاسىپورىندار وداعى ءمالىم ەتتى، دەپ حابارلايدى قازاقپارات. «2020 -جىلدىڭ 4-ايىندا قازاقستاندىقتار 169,3 ميلليارد تەڭگەگە 18368 جەڭىل ءارى جەڭىل كوممەرتسيالىق جاڭا اۆتوكولىك ساتىپ الدى. بۇل جەڭىل كولىكتەردىڭ ورتاشا قۇنى 9,9 ميلليون تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 11,7 پايىزعا ءوستى»، - دەلىنگەن تاراتىلعان مالىمەتتە.

اتاپ ايتقاندا، نارىقتا قازاقستاندا شىعارىلعان كولىكتەردىڭ باعاسى تومەندەۋ بولىپ تۇر. ەلىمىزدە قۇراستىرىلعان اۆتوموبيلدەردىڭ ورتاشا باعاسى 7,6 ميلليون تەڭگە بولسا، ال يمپورتتىق كولىكتەردىڭ ورتاشا قۇنى 12,4 ميلليون تەڭگە شاماسىندا تىركەلدى. «4 ايدىڭ قورىتىندىسى بويىنشا كولىك ساتىپ الۋشىلاردىڭ تورتتەن ءبىرى (25 پايىزى) 5 ميلليون تەڭگەدەن قىمبات ەمەس ءاۆتوموبيلدى تاڭداعان. ءبىر جىل بۇرىن بۇل سەگمەنت نارىقتىڭ 30,2 پايىزىن قامتىعان ەدى. 5-7 ميلليون تەڭگە تۇراتىن تەحنيكانىڭ 21,7 پايىزى (3 981 كولىك) وتكىزىلدى.

ساتىپ الۋشىلاردىڭ 17,2 پايىزى 7-10 ميلليون تەڭگە سوماسىنداعى (3160) اۆتوكولىكتى الدى. ال بيزنەس (10-15 ميلليون تەڭگە) ءارى پرەميۋم-ساناتتاعى (15 ميلليون تەڭگەدەن جوعارى) سەگمەنتتەرگە سايكەسىنشە 24,9 پايىز (4 572كولىك) جانە 11,2 پايىز (2060) تيەسىلى بولدى. باعاسى جاعىنان قولجەتىمدى كولىكتەردىڭ اراسىندا Lada Granta كوش باستاپ تۇر، ياعني ونىڭ قۇنى 3,4 ميلليون تەڭگەدەن باستالادى.

قۇنى جاعىنان تومەن تور-10 اۆتوموبيلدىك قاتارىنا Lada 4x4 باعاسى (4,1 ميلليون تەڭگە)، Ravon Nexia باعاسى (4,1 ميلليون)، Ravon R4 باعاسى (4,9 ميلليون)، Lada Largus باعاسى (5 ميلليون)، Lada Vesta باعاسى (5,1 ميلليون)، Renault Logan باعاسى (5,2 ميلليون)، UAZ 3741 (5,2 ميلليون)، Lada XRAY باعاسى (5,3 ميلليون)، UAZ 3909 باعاسى (5,4 ميلليون) ەندى.

بۇدان بولەك، ەڭ قىمبات دەگەن كولىكتەردىڭ رەيتينگىنەن Mercedes-Benz G- كلاسس باعاسى (110 ميلليون تەڭگە)، Genesis G90 باعاسى (53,2 ميلليون)، Porsche Cayenne باعاسى (51 ميلليون)، BMW 8 سەريا باعاسى (50 ميلليون)، Lexus LX باعاسى (49 ميلليون)، BMW X7 باعاسى (42,9)، BMW X6 باعاسى (40,9 ميلليون)، Porsche Panamera باعاسى (37,9 ميلليون)، Audi Q8 باعاسى (37,1 ميلليون)، BMW X5 باعاسى (36,5 ميلليون تەڭگە) كورىندى.

سوڭعى جاڭالىقتار