+7 (701) 759 90 19
22 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

اسحات ايماعامبەتوۆ: ۇستازدارعا دەگەن العىسىمدى ءبىر سوزبەن جەتكىزۋ مۇمكىن ەمەس

25 مامىر 13:27
:ءبولىسۋ
اسحات ايماعامبەتوۆ: ۇستازدارعا دەگەن العىسىمدى ءبىر سوزبەن جەتكىزۋ مۇمكىن ەمەس

نۇر-سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ وقۋشىلار مەن اتا-انالاردى، ۇستازداردى وقۋ جىلىنىڭ اياقتالۋىمەن قۇتتىقتادى، دەپ حابارلايدى قازاقپارات ءتىلشىسى.

«بارلىعىمىز ءۇشىن بيىلعى 25-مامىر ەرەكشە فورماتتا ءوتىپ جاتىر. الەمدىك پاندەميا ءبىزدىڭ كۇندەلىكتى ءومىرىمىزدى تۇبەگەيلى وزگەرتتى. بيىلعى وقۋ جىلى 4 ميلليوننان استام وقۋشى مەن ستۋدەنتتىڭ ەسىندە قاشىقتان وقىتۋ فورماتىنا كوشۋمەن ساقتالادى دەپ ويلايمىن. قىسقا ۋاقىتتىڭ ىشىندە بارلىعىڭىز جۇمىستى دۇرىس ۇيىمداستىرا بىلدىڭىزدەر. بۇل مۇعالىمدەردىڭ، اتا-انالاردىڭ، وقۋشىلاردىڭ بىرلەسكەن ارەكەتىنىڭ ناتيجەسى دەپ بىلەمىن. بۇگىن مەن ءارقايسىڭىزعا جەكە توقتالعىم كەلەدى. سىزدەر جاڭا جاعدايدا جاقسى ناتيجەلەرگە قول جەتكىزىپ، ناعىز ەرلىك تانىتتىڭىزدار. ۇستازدارعا دەگەن العىسىمدى ءبىر سوزبەن جەتكىزۋ مۇمكىن ەمەس. سىزدەر قيىن جاعدايعا قاراماستان وقۋشىلاردى ءبىلىم نارىمەن سۋسىنداتىپ، وقۋ بارىسىندا تىنىمسىز ەڭبەك ەتتىڭىزدەر. سىزدەردىڭ ارقالارىڭىزدى 4-توقسان تولىقتاي قاشىقتان وقىتۋ فورماتىندا ءوتتى»، - دەدى مينيستر Facebook پاراقشاسىندا جاريالانعان قۇتتىقتاۋىندا.

ونىڭ اتاپ وتۋىنشە، بۇل ءبىزدىڭ ءبىلىم سالاسىندا بۇرىن- سوڭدى بولماعان وقيعا. «قيىن كەزدە بالالارىنا تىرەۋ بولا بىلگەن اتا- انالاردىڭ دا ەڭبەگى ولشەۋسىز. سىزدەردىڭ قولداۋلارىڭىز، ۇيدە وتىرىپ ءبىلىم الۋعا جاعداي جاساۋلارىڭىز قاشىقتان وقىتۋدى ۇيىمداستىرۋعا بىزگە مۇمكىندىك بەردى. ءيا، ارينە سىن كوپ ايتىلدى. دەگەنمەن، سزىدەر تۇسىنىستىك تانىتىپ، بالالارىمىزدىڭ بولاشاعى ءۇشىن وسى ماسەلەنى جەڭىل قابىلدادىڭىزدار. سول ءۇشىن سىزدەرگە العىس ايتامىن. وقۋشىلارعا دەگەن ريزاشىلىعىم شەكسىز. ولار جاۋاپكەرشىلىكتى اتا- انالارىمەن تەڭدەي ءبولىسىپ، ءتارتىپتى جانە العىر بولا ءبىلدى. ەندى مىنە، بىلىمگە دەگەن قۇشتارلىقتى جوعالتپاي وقۋ جىلىن ويداعىداي اياقتاپ جاتىر. بۇل شىن مانىندە ەرەسەك ادامدارعا ءتان قاسيەت دەپ ايتقىم كەلەدى»، - دەدى اسحات ايماعامبەتوۆ.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات