بيىلعى ءبىرىنشى سىنىپقا قۇجات قابىلداۋ ۋاقىتى بەلگىلى بولدى

نۇر-سۇلتان. قازاقپارات - جاڭا وقۋ جىلىندا قازاقستاندا 1-سىنىپقا قابىلداۋ ءۇشىن قانداي قۇجاتتار تاپسىرۋ كەرەكتىگى بەلگىلى بولدى، دەپ حابارلايدى قازاقپارات.

ءبىلىم جانە عىلىم مينيسترلىگىنىڭ حاباراۋىنشا، بالانىڭ اتا-اناسىنان (زاڭدى وكىلدەرىنەن) ءوتىنىش (ەركىن تۇردە)، بالانىڭ تۋۋ تۋرالى كۋالىگىنىڭ كوشىرمەسى، بالا دەنساۋلىعى تۋرالى انىقتاما (مەديتسينالىق پاسپورت)، 3x4 كولەمىندەگى ەكى فوتو تاپسىرىلادى. قۇجاتتاردى قابىلداۋ 2020 -جىلدىڭ 1-ماۋسىم مەن 30-تامىزى ارالىعىندا ىسكە اسىرىلادى. ايتا كەتەيىك، جاقىندا نۇر-سۇلتان قالاسىنىڭ ءبىلىم باسقارماسىنىڭ باسشىسى شولپان قادىروۆا جاڭا وقۋ جىلىندا 1-سىنىپقا قابىلداۋ، مەكتەپتەن مەكتەپكە، سىنىپتان سىنىپقا اۋىستىرۋ ماسەلەسى قالاي رەتتەلەتىنىن ايتىپ بەردى.