ءبىلىم ءمينيسترى مەكتەپ بىتىرگەننەن كەيىن بىردەن ۋنيۆەرسيتەتكە تۇسە الماعانىن ايتتى

None
None
نۇر-سۇلتان. قازاقپارات – ق ر ءبىلىم جانە عىلىم ءمينيسترى اسحات ايماعامبەتوۆ مەكتەپ بىتىرۋشىلەرىنە، كوللەدج بەن ۋنيۆەرسيتەت تۇلەكتەرىنە ءسات ساپار تىلەدى، دەپ حابارلايدى قازاقپارات ءتىلشىسى.

«2020 -جىلدىڭ تۇلەكتەرىنە جەكە توقتالعىم كەلەدى. قۇرمەتتى، مەكتەپ بىتىرۋشىلەر، كوللەدج بەن ۋنيۆەرسيتەت تۇلەكتەرى! اركىم بولاشاعىنىڭ جارقىن بولعانىن ارماندايدى. سىزدەر مىقتى عالىم، تابىستى كاسىپكەر عانا ەمەس، ادامگەرشىلىگى زور جاقسى ادام، بيلىك تۇلعا بولاتىندىقتارىڭىزعا سەنىمدىمىن. تاۋەكەلگە بارۋ ارقىلى عانا اركىم ءوزى ارمانداعان ماماندىقتىڭ يەسى بولا الادى. ەڭ باستىسى مۇمكىندىكتەردى پايدالانا ءبىلۋ كەرەك. ەش قورىقپاڭىزدار. العان بەتتەن قايتپاۋ وتە ماڭىزدى ەكەنىن ءوز باسىم بىلەمىن. ناقتى قادام جاساپ، ويىڭىزداعىنى ىسكە اسىرۋ كەرەك»، - دەدى اسحات ايماعامبەتوۆ Facebook پاراقشاسىندا جاريالانعان قۇتتىقتاۋىندا.

ماسەلەن، مينيستر مەكتەپ بىتىرگەننەن كەيىن بىردەن ۋنيۆەرسيتەتكە تۇسە الماعاندىعىن ايتتى. «ودان ۇيالۋدىڭ ەش قاجەتى جوق. مەنىڭ الدىمدا ەكى تاڭداۋ بولدى. ءبىرىنشىسى - اقىلى تۇردە وقۋ، ەكىنشىسى - 1 جىل دايىندالىپ، كەيىن ۇ ب ت- عا قايتا تاپسىرۋ. سول كەزدە 1 جىل دايىندالىپ، تەستى قايتا تاپسىرامىن دەپ شەشىم قابىلدادىم. 1 جىل ۋاقىتىمدى تاباندى دايىندىق پەن جۇمىسقا ارناپ، ناتيجەسىندە كەلەسى جىلى ارمانداعان گرانتقا قول جەتكىزگەن بولاتىنمىن»، - دەدى ول.

سوڭعى جاڭالىقتار