ەلوردادا ەكى جاڭا كوپىر اشىلادى

نۇر- سۇلتان. قازاقپارات - ەلوردادا بيىل كولىكتەر قاتىناي الاتىن ەكى كوپىردىڭ قۇرىلىسى اياقتالادى.

بۇل قالانىڭ كولىك جەلىسىن ەداۋىر جەڭىلدەتۋگە مۇمكىندىك بەرەدى، دەپ حابارلايدى قازاقپارات نۇر- سۇلتان قالاسى اكىمدىگىنىڭ رەسمي سايتىنا سىلتەمە جاساپ.

ەلوردا اكىمى التاي كولگىنوۆ ەسىل وزەنى ارقىلى وتەتىن كوپىر قۇرىلىسى بارىسىمەن تانىستى. بۇل قۇرىلىس بيىل اياقتالادى. وڭ جانە سول جاعالاۋدى قوساتىن كوپىر (ەسىل وزەنى ارقىلى) ماڭگىلىك ەل داڭعىلى، ج. ناجىمەدەنوۆ، ا. بايتۇرسىنوۆ، ر. قوشقاربايەۆ كوشەلەرىندەگى، نوۆا سيتي كەشەنىندەگى، «مىڭجىلدىق» اللەياسىنداعى شامادان تىس جۇكتەمەنى ازايتۋعا، جاڭا «نۇرلى جول» ۆوكزالىنىڭ قولجەتىمدىلىگىن ارتتىرۋعا مۇمكىندىك بەرەدى.

«سونداي- اق بيىل نۇرا - ەسىل ارناسى ارقىلى ۇلى دالا داڭعىلىنداعى كوپىردىڭ قۇرىلىسى اياقتالادى. سونىمەن بىرگە ەسىل وزەنى ارقىلى تاۋەلسىزدىك داڭعىلىندا جاڭا ۆانتتىق كوپىردى سالۋدى جوسپارلاپ وتىرمىز»، - دەيدى قالا اكىمى.

سونىمەن قاتار، ەلوردادا جول جۇمىستارى جۇرگىزىلىپ جاتىر. بيىل جالپى ۇزىندىعى 100 ك م بولاتىن 150 كوشە جوندەلىپ، كەيبىرەۋى جاڭادان سالىنادى.