اپتاپ ىستىق، داۋىل، نايزاعاي: ءتورت وڭىردە ەسكەرتۋ جاريالاندى

نۇر- سۇلتان. قازاقپارات - اۋا رايىنىڭ بۇزىلۋىنا بايلانىستى ەلىمىزدىڭ ءبىرقاتار وڭىرىندە ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

25 -مامىردا اقتوبە وبلىسىندا كەي جەرلەرىندە نايزاعاي جارقىلداپ، داۋىل سوعادى. وڭتۇستىك- باتىستان سوعاتىن جەل سولتۇستىك- باتىسقا اۋىسادى. جەلدىڭ كۇشى كەي جەرلەردە 18 م/س جەتەدى.

كۇندىز 25- مامىردا اتىراۋ وبلىسىنىڭ كەي جەرلەرىندە جانە اتىراۋ قالاسىندا سولتۇستىك جانە سولتۇستىك- شىعىستان سوعاتىن جەل قارقىنى 15-20 م/س بولادى.

25 -مامىردا ماڭعىستاۋ وبلىسىنىڭ كەي جەرلەرىندە شاڭدى داۋىل تۇرادى. سولتۇستىك- باتىستان سوققان جەل سولتۇستىك- شىعىسقا اۋىسادى. جەل جىلدامدىعى - كەي جەرلەردە 15-20 م/س.

كۇندىز كەي جەرلەردە 40 گرادۋس اپتاپ ىستىق بولادى.

25 - مامىردا قىزىلوردا وبلىسىنىڭ كەي جەرلەرىندە شاڭدى داۋىل سوعادى.

25 - مامىردا شىعىستان جەل سوعادى. تۇندە كەي جەرلەردە جەلدىڭ ەكپىنى - 15-20 م/س، كۇندىز كەي جەرلەردە - 25 م/س دەيىن كۇشەيەدى.