+7 (701) 759 90 19
16 °С : نۇر-سۇلتان
20 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

باس سانيتار دارىگەر قاۋلىسىمەن كوروناۆيرۋسقا قاتىستى شەكتەۋ شارالارى كۇشەيدى

24 مامىر 16:07
:ءبولىسۋ
باس سانيتار دارىگەر قاۋلىسىمەن كوروناۆيرۋسقا قاتىستى شەكتەۋ شارالارى كۇشەيدى

نۇر- سۇلتان. قازاقپارات - قازاقستاننىڭ باس مەملەكەتتىك سانيتار دارىگەرى ايجان ەسماعامبەتوۆا قازاقستان رەسپۋبليكاسىنىڭ حالقى اراسىندا كوروناۆيرۋس ينفەكتسياسىنىڭ الدىن الۋ جونىندەگى شارالاردى ودان ءارى كۇشەيتۋ تۋرالى قاۋلى قابىلدادى، دەپ حابارلايدى قازاقپارات.

قۇجاتتا قازاقستانعا شەتەلدەن كەلەتىن بارلىق ادامدار 2 تاۋلىككە دەيىن COVID-19 عا زەرتحانالىق تەكسەرۋ جۇرگىزۋ ءۇشىن كارانتيندىك ستاتسيوناردا وقشاۋلاناتىنى كورسەتىلگەن. COVID-19 اۋرۋىنىڭ بەلگىسى بار ادامدار كارانتيندىك ستاتسيونارعا ەمەس، پروۆيزورلىق ستاتسيونارعا ەمدەۋگە جاتقىزىلادى. شەكارادان وتكەن سوڭ 5 كۇننەن كەشىكتىرىلمەي پ ت ر زەرتحانالىق تەكسەرۋدە تەرىس ناتيجە كورسەتكەن انىقتاماسى بار ادام شەت ەلدەن كەلگەن ادام ۇيدە (ءۇي كارانتين) 14 تاۋلىك بويى وقشاۋلانادى. ۇيدە وقشاۋلاۋ ءۇشىن جاعداي بولماعان جاعدايدا كارانتيندىك ستاتسيوناردا وقشاۋلاۋ ۇسىنىلادى. العاشقى ەكى كۇندە COVID-19عا زەرتحانالىق تەكسەرۋ ناتيجەلەرىن العاننان كەيىن وڭ ناتيجەلى ادامدار ەمدەۋ ءۇشىن ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە (ءۇي كارانتينى) وقشاۋلانادى. ۇيدە وقشاۋلاۋ ءۇشىن جاعداي بولماعان كەزدە جەرگىلىكتى اتقارۋشى ورگان بەلگىلەگەن ءۇي- جايلاردا وقشاۋلاۋ ۇسىنىلادى.

قازاقستانعا شەت ەلدەن كەلگەن ديپلوماتيالىق وكىلدىك، كونسۋلدىق مەكەمە جانە حالىقارالىق ۇيىمدار وكىلدىگىنىڭ قىزمەتكەرلەرى جانە ولاردىڭ وتباسى مۇشەلەرى زەرتحانالىق تەكسەرىلەدى جانە 14 تاۋلىك بويى ۇيدە ءوزىن- ءوزى وقشاۋلاۋعا ء(ۇي كارانتينى) جاتادى. اۆياكومپانيالاردىڭ ەكيپاجدارى، لوكوموتيۆ بريگادالارىنىڭ مۇشەلەرى قوڭىراۋ شالۋ ارقىلى (مۇمكىندىگىنشە بەينەقوڭىراۋ شالۋ) تۇرعىلىقتى (كەلگەن) جەرى بويىنشا مەديتسينالىق باقىلاۋعا جاتادى. ۆاحتالىق ادىسپەن جۇمىس ىستەيتىن، «تەڭىزشيەۆرويل» ج ش س وبەكتىلەرىنەن دەموبيليزاتسيالانعان ادامدار COVID-19 عا زەرتحانالىق تەكسەرۋ جۇرگىزۋ ءۇشىن كەلگەن ورنى بويىنشا كارانتيندىك ستاتسيوناردا 2 تاۋلىككە دەيىن وقشاۋلاۋعا جاتادى، وڭ ناتيجەلى ادامدار ەمدەۋ ءۇشىن ينفەكتسيالىق ستاتسيونارعا اۋىستىرىلادى، COVID-19-عا تەرىس ناتيجەلى ادامدار 12 تاۋلىك بويى ۇيدە ء(ۇي كارانتينى) وقشاۋلانادى.

ۇيدە وقشاۋلاۋ ءۇشىن جاعداي بولماعان كەزدە جەرگىلىكتى اتقارۋشى ورگاندار ايقىنداعان ءۇي- جايلاردا وقشاۋلاۋ ۇسىنىلادى. كولىكتەگى باس مەملەكەتتىك سانيتاريالىق دارىگەرى وڭىردەگى جانە الەمدەگى قالىپتاسقان ەپيدەميولوگيالىق جاعدايدى ەسكەرە وتىرىپ، شەت ەلدەردەن كەلگەن جولاۋشىلاردى كارانتيندەۋ تۋرالى شەشىم قابىلداۋعا قۇقىلى. قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى حالىقارالىق جولاۋشىلار قاتىناستارىن شەكتەۋدى قامتاماسىز ەتۋ مىندەتتەلگەن. وڭىردە كوروناۆيرۋس سىرقاتتانۋشىلىعى %7 دان اساتىن دەڭگەيدە تىركەلگەن جاعدايدا وبلىستاردىڭ، الماتى، نۇر- سۇلتان، شىمكەنت قالالارىنىڭ اۋماقتارىنداعى شەكتەۋ ءىس- شارالارى قولعا الىنادى. ورتالىق مەملەكەتتىك ورگاندار، قۇقىق قورعاۋ جانە ارنايى ورگاندار، وبلىستاردىڭ، الماتى، نۇر- سۇلتان، شىمكەنت قالالارىنىڭ اكىمدەرى وڭىردە COVID-19 سىرقاتتانۋشىلىعىنىڭ ءوسۋى %7 دان اساتىن دەڭگەيدە تىركەلگەن جاعدايدا كوپشىلىك ءىس- شارالارىن (مەرەكەلىك، سپورتتىق- كوپشىلىك، ويىن- ساۋىق، كونفەرەنتسيالار، سەمينارلار، كورمەلەر جانە ت. ب. ) وتكىزۋگە تىيىم سالادى. سونداي- اق كينوتەاترلار، تۇنگى كلۋبتار، فيتنەس، ترەناجەر زالدارى (ورتالىقتارى) ، ساۋدا- ويىن- ساۋىق ورتالىقتارى جانىنداعى بالالاردىڭ ويىن الاڭدارى، مەكتەپتەن تىس قوسىمشا ءبىلىم بەرۋ ۇيىمدارى (دامىتۋ، ءبىلىم بەرۋ ورتالىقتارى، ۇيىرمەلەر، فاكۋلتاتيۆتەر جانە ت. ب. ) ، كومپيۋتەر كلۋبتارى، توكيو-2020 وليمپيادا جانە پاراوليمپيادا ويىندارىنا ۇلتتىق قۇراما كوماندالارىن دايىنداۋ ءۇشىن ولاردى پايدالانۋ كەزەڭىندە عانا ۇلتتىق وليمپيادا كوميتەتىندە اككرەديتتەلگەن سپورتتىق بازالاردى قوسپاعاندا، سپورت كەشەندەرىنىڭ (ۇيىرمەلەر، سەكتسيالار) قىزمەتىن توقتاتلادى. وڭىردە COVID-19 سىرقاتتانۋشىلىعىنىڭ ءوسۋى %7 دان اساتىن دەڭگەيدە تىركەلگەن جاعدايدا قازاقستان رەسپۋبليكاسى ءبىلىم جانە عىلىم مينيسترلىگى 1) ءبىلىم بەرۋ ۇيىمدارىن قاشىقتىقتان وقىتۋعا، ونىڭ ىشىندە ءبىلىمدى باعالاۋدىڭ بارلىق تۇرلەرىن قاشىقتىقتان جۇرگىزۋگە كوشىرۋگە، وقۋشىلاردىڭ ەكسكۋرسياسىنا تىيىم سالۋدى قامتاماسىز ەتەدى. قاۋلىنىڭ تولىق ماتىنىمەن كوميتەتتىڭ سايتىندا تانىسۋعا بولادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات