+7 (701) 759 90 19
20 °С : نۇر-سۇلتان
18 °С : الماتى
USD 412.55 EUR 454.18
RUB 5.81 CNY 57.66
جاڭالىقتار

ەلوردادا كارانتين اياقتالعانشا ۇيگە قوناق شاقىرۋعا تىيىم سالىنادى

24 مامىر 12:10
:ءبولىسۋ
ەلوردادا كارانتين اياقتالعانشا ۇيگە قوناق شاقىرۋعا تىيىم سالىنادى

نۇر- سۇلتان. قازاقپارات - ەلوردادا كارانتين اياقتالعانعا دەيىن وتباسىلىق ەسكە الۋ، ادەت- عۇرىپ جانە وزگە دە ءىس- شارالار وتكىزۋگە، كەيتەرينگ جانە مەرەكەلەردى ۇيىمداستىرۋ قىزمەتىن كورسەتۋگە تىيىم سالىنادى.

نۇر- سۇلتان قالاسى باس مەملەكەتتىك سانيتارلىق دارىگەرى جاننا پىراليەۆا قابىلداعان سوڭعى قاۋلىدا وسىلاي جازىلعان، دەپ حابارلايدى قازاقپارات ءتىلشىسى.

ق ر دەنساۋلىق ساقتاۋ مينيسترلىگىنىڭ تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ نۇر- سۇلتان قالاسىنداعى دەپارتامەنتى قالادا كوروناۆيرۋس ينفەكتسياسى تارالۋىنىڭ الدىن الۋ جونىندەگى قوسىمشا شارا قابىلدادى.

«قالا تۇرعىندارىنا كارانتين اياقتالعانعا دەيىن 2 جانە ودان دا كوپ ادامنىڭ بىرلەسىپ سەرۋەندەۋى كەزىندە مىندەتتى تۇردە ماسكا كيۋ جانە 2 مەتردەن كەم ەمەس الەۋمەتتىك قاشىقتىقتى ساقتاي وتىرىپ، ۇيىنەن ەركىن شىعۋعا رۇقسات ەتىلەدى. اۋلا، ساياباق، الاڭ، سكۆەر، جاعالاۋدا سەرۋەندەگەندە ماسكانى مىندەتتى تۇردە كيۋ كەرەك، 3 ادامنان ارتىق توپتاسى جۇرمەۋى كەرەك. بۇل ءبىر وتباسى مۇشەلەرىنە قاتىسى جوق. سونداي- اق ساياجاي ۋچاسكەسىنە (قالا سىرتىنداعى ۇيلەرگە) بارۋ ءۇشىن قالادان كىرۋگە/شىعۋعا رۇقسات ەتىلەدى»، - دەلىنگەن قاۋلىدا.

سونداي- اق، قوعامدىق ورىندا، قوعامدىق كولىكتە جانە رۇقسات ەتىلگەن وبەكتىلەرگە بارعان كەزدە ماسكا، قولعاپتى كيىپ ءجۇرۋ جانە انتيسەپتيك پايدالانۋ تالاپتارىن قاتاڭ ساقتاۋ قاجەت. ۇيگە قوناق شاقىرۋ، بولماسا تابيعات اياسىندا مەرەكەلىك شارا وتكىزۋگە بولمايدى.

«وتباسىلىق ەسكە الۋ، ادەت- عۇرىپ جانە وزگە دە ءىس- شارالار وتكىزۋگە، كەيتەرينگتىك قىزمەتتەر كورسەتۋگە جانە مەرەكەلەردى ۇيىمداستىرۋ جونىندە قىزمەتتەر كورسەتۋگە تىيىم سالىنادى» ، دەلىنگەن قۇجاتتا. كاسىپكەرلەر مەن ۇيىمدارعا قىزمەتكەرلەرىنىڭ، كەلۋشىلەردىڭ كارانتين تالاپتارى، شەكتەۋ شارالارىن ساقتاۋىن قاتاڭ باقىلاۋى مىندەتتەلگەن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات