+7 (701) 759 90 19
20 °С : نۇر-سۇلتان
18 °С : الماتى
USD 412.55 EUR 454.18
RUB 5.81 CNY 57.66
جاڭالىقتار

ەلوردا ماڭىنداعى «قۇپيا» ۆەلوسيپەدشىلەر جولى

24 مامىر 12:02
:ءبولىسۋ
ەلوردا ماڭىنداعى «قۇپيا» ۆەلوسيپەدشىلەر جولى

نۇر- سۇلتان. قازاقپارات - ەلوردا اۋماعىنداعى «جاسىل بەلدەۋدەگى» 23 شاقىرىمدىق ۆەلوسيپەدشىلەرگە ارنالعان جول - قالا تۇرعىندار ءۇشىن تابيعات اياسىندا دەمالاتىن ورىنداردىڭ ءبىرى.

ۆەلوتراسسا قورعالجىن تاسجولى مەن قاراوتكەل، ياعني قوسشى كەنتىنە قاراي وتەتىن جولدى جالعايدى. بۇل جەردى كارانتين كەزىندە ەلوردالىقتار ءۇشىن دەمالۋعا تاپتىرماس ورىنداردىڭ ءبىرى دەپ تۇيدىك. مۇندا تاپىرلاپ جۇرگەن ادامداردىڭ قاراسى كورىنبەيدى. دەمالىس كۇنى ەكەنىن ەسكەرىپ قاراعاننىڭ وزىندە دە، تەك اندا- ساندا كوزگە ساعىمداي كورىنەتىن ۆەلەسيپەدشىلەر مەن بالالارىن جەتەكتەگەن ءبىرلى- جارىمدى ادامداردى عانا كەزدەستىرەسىز. «جاسىل بەلدەۋدەگى» ەنى 2 مەترلىك ۆەلوتراسسا 2016 -جىلى پايدالانۋعا بەرىلسە دە قالالىقتار ءۇشىن اسا تانىمال ەمەس ەكەنىن كورۋگە بولادى.. .


«مەن وسى قالادا 10 جىلدان استام تۇرامىن. ءبىراق وسىنداي كەرەمەت دەمالۋعا مۇمكىندىك بەرەتىن ورىننىڭ بارىن ءبىرىنشى رەت ءوز كوزىممەن كورىپ وتىرمىن. ون جىل قالادا تۇرىپ وسىنداي جەردىڭ بارىن بىلمەۋ ۇياتتاۋ سياقتى (كۇلدى) . ءوزىڭىز بىلەسىز، جاي كۇندەرى ەلوردادا كوپ ادامنىڭ اندا- مىندا بارۋعا، دەمالۋعا ۋاقىتتارى بولماي جاتادى. ۋاقىت شىقسا، تابيعات دەپ بالالارىمدى الىپ بۋرابايعا كەتىپ قالامىز، سول جاقتان تالاي ۆەلوسيپەد جالعا الىپ تەپكەن ەدىم. ەندى مىنا جەر كەرەمەت ەكەن، كارانتين جاقسى بولدى (كۇلدى) « ، - دەيدى ەلوردالىق ايدىن.

الايدا، ءبىز مۇنداعى ادامداردىڭ وتە از بولۋ جاعدايىنىڭ ءبىر سەبەبىن ۆەلوسيپەدتى جالعا بەرۋ قىزمەتىنىڭ ءالى قوسىلماعانىنان دەپ تۇسىندىك. ونىڭ ۇستىنە قورعالجىن تاسجولى جاعى مەن ونىڭ ەكىنشى شەتىندە دە ۇلكەن قۇرىلىستار سالىنىپ جاتىر.

«ۆەلوسيپەدتەردى جالعا بەرۋ قىزمەتىنە ءالى رۇقسات بەرىلگەن جوق سوندىقتان ءبىزدىڭ جۇمىسىمىز توقتاپ تۇر. ءبىراق ءوزىڭىز كورىپ تۇرسىز مىنا جەردە قۇرىلىس قارقىندى ءجۇرىپ جاتىر، بولاشاقتا كەرەمەت دەمالىس ورىندارىنىڭ بىرىنە اينالادى» ، - دەيدى ۆەلوسيپەدتى جالعا بەرۋشى ەربول.


2 مەترلىك ۆەلوتراسسانىڭ ەكى جاعى سامساپ وسكەن قايىڭ، ۇيەڭكى تاعى دا باسقا ءتۇرلى اعاشتار بۇكىل جولدى قامتيدى. جول بويىندا دەمالاتىن ورىندار مەن قوقىس تاستايتىن جاشىكتەر ورتاتىلعان. بۇل - تابيعات اياسىندا پايدالى دەمالۋدىڭ تاپسىرماس ورنى.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات