+7 (701) 759 90 19
8 °С : نۇر-سۇلتان
12 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

تالدىقورعاندا پوليتسەيلەر كوروناۆيرۋسقا بايلانىستى قاۋىپسىزدىك شارالارىن كۇشەيتتى

23 مامىر 17:54
:ءبولىسۋ
تالدىقورعاندا پوليتسەيلەر كوروناۆيرۋسقا بايلانىستى قاۋىپسىزدىك شارالارىن كۇشەيتتى

تالدىقورعان. قازاقپارات - تالدىقورعاندا ءتارتىپ ساقشىلارى كارانتين كەزىندە قاۋىپسىزدىك شارالارىن كۇشەيتتى، - دەپ حابارلايدى قازاقپارات ءتىلشىسى.

تالدىقورعان قالاسىندا كوروناۆيرۋس ىندەتىن جۇقتىرۋ دەرەگى تىركەلگەنىنە بايلانىستى الدىن الۋ شارالارىمەن قاتار، پراكتيكالىق شارالار دا كۇشەيتىلدى. «وبلىس ورتالىعىنا كىرەبەرىستەردە 4 سانيتارلىق بەكەت تۇر. قازىرگى ۋاقىتتا بەكەتتەگى پوليتسەيلەردىڭ سانى ارتىپ، بەكەت جۇمىسىنا 40 قىزمەتكەر جۇمىلدىرىلعان. كولىكتەردىڭ بەلسەندى قوزعالىسى «الماتى - تالدىقورعان» ، «تەكەلى - تالدىقورعان» ، «ۇشتوبە - تالدىقورعان» سانيتارلىق بەكەتتەرىندە تىركەلدى. دەگەنمەن، اتالعان ورىنداردا كولىك كەپتەلىسى جوق ەكەنىن اتاپ ءوتۋ قاجەت» ، - دەدى تالدىقورعان قالالىق پوليتسيا ءبولىمىنىڭ باستىعى، پوليتسيا پولكوۆنيگى اسقار نۇرساپا.

سانيتارلىق بەكەتتەردە ءتارتىپ ساقشىلارى وبلىس ورتالىعىنا كىرۋگە نيەتتى ازاماتتاردىڭ قالادا تىركەۋدە ەكەنىن تەكسەرەدى نەمەسە قالاعا كىرۋگە بەرىلگەن رۇقسات قۇجاتتارىن قارايدى. باس سانيتارلىق دارىگەردىڭ قاۋلىسى كۇشىنە ەنگەن ساتتەن باستاپ، ياعني 17 - مامىردان بۇگىنگە دەيىن 8207 اۆتوكولىك پەن 18568 ازامات تەكسەرىلگەن.

«سونداي- اق، ىندەت جۇقتىرعان تۇلعالار مەن ولارمەن بايلانىستا بولعانداردىڭ، سونىمەن قاتار پروۆيزورلىق، كارانتيندىك ستاتسيونارلاردىڭ جانە ءۇي كارانتينىنە جاتقىزىلعان تۇلعالاردىڭ تۇرعىلىقتى مەكەنجايىن تاۋلىك بويى وقشاۋلاۋ جۇزەگە اسىرىلۋدا. باستى نازار حالىق اراسىندا كارانتيندىك شارالاردى ساقتاۋ، ونىڭ ىشىندە ماسكانى ۇنەمى تاعۋ تۋرالى ءتۇسىندىرۋ جۇمىستارىن جۇرگىزۋگە اۋدارىلىپ وتىر. باقتاردا، گۇلزارلاردا رەيدتەر جۇرگىزىلىپ، تۇرعىنداردىڭ توپتالىپ جۇرمەۋىن قامتاماسىز ەتۋ شارالارى قابىلدانۋدا. كۇن سايىن ساۋدا ورىندارىندا دا رەيدتەر جۇرگىزىلىپ، تالدىقورعان قالاسى باس سانيتارلىق دارىگەرى قاۋلىسىنىڭ ورىندالۋى تەكسەرىلۋدە» ، - دەپ تولىقتىردى پولكوۆنيك اسقار نۇرساپا.

پوليتسەيلەر ىندەتتىڭ جاپپاي تارالۋىنىڭ الدىن الۋ ءۇشىن جەكە سانيتارلىق قاۋىپسىزدىك شارالارىن قاتاڭ ساقتاۋدى جانە كارانتين ەرەجەلەرىن بۇزباۋدى سۇرايدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات