+7 (701) 759 90 19
-17 °С : نۇر-سۇلتان
-4 °С : الماتى
USD 423.87 EUR 505.25
RUB 5.59 CNY 64.43
جاڭالىقتار

نۇر- سۇلتاندا كارانتين رەجيمى جەڭىلدەمەيدى

23 مامىر 17:34
:ءبولىسۋ
نۇر- سۇلتاندا كارانتين رەجيمى جەڭىلدەمەيدى

نۇر- سۇلتان. قازاقپارات - ەلوردادا كارانتين رەجيمى جەڭىلدەتىلمەيدى. قالا تۇرعىندارى سانيتارلىق نورمالاردى قاتاڭ ساقتاۋى كەرەك. بۇل تۋرالى نۇر- سۇلتان قالاسى اكىمدىگىنىڭ Instagram پاراقشاسىندا جازىلدى، دەپ حابارلايدى قازاقپارات.

قالا اۋماعىندا بلوكپوستار جۇمىسىن جالعاستىرا بەرەدى. پوليتسيا قۇرامى قالانى كۇزەتىپ، كاسىپورىنداردىڭ سانيتارلىق نورمالاردى ساقتاۋىن باقىلاپ، تۇرعىندار اراسىندا ءتۇسىندىرۋ جۇمىستارىن جۇرگىزىپ جاتىر. دارىگەرلەر، ۆولونتەرلەر كۇشەيتىلگەن رەجيمدە جۇمىس ىستەۋدە. بۇگىن قالا اكىمى التاي كولگىنوۆ كوروناۆيرۋستىڭ تارالۋىنا قارسى ارەكەت بويىنشا جينالىس وتكىزدى. ⠀

«كارانتين رەجيمىن جەڭىلدەتكەلى بەرى كوشەلەردە كوپ ادام ءجۇر. كۇن سايىن جۇرگىزىلەتىن رەيد ناتيجەسى بويىنشا ءبارى بىردەي سانيتارلىق نورمانى ساقتامايتىنى انىقتالدى: سانيتارلىق- ەپيدەميولوگيالىق تالاپتاردى ساقتاماۋ سالدارىنان 26 نىسان جابىلدى. نەگىزىنەن ءدامحانا، مەيرامحانا، قوناق ءۇي جانە باسقالار. 150 دەن استام ونەركاسىپ ەسكەرتۋ الىپ، بەلگىلى ءبىر بولىگىنە ايىپپۇل سالىندى»، - دەيدى قالا اكىمى.

رەيد جۇرگىزۋ بارىسىندا ساياباقتاردا ادام كوپ جينالاتىنى جانە ماسكاسىن جۇرەتىنى انىقتالعان. بۇل ينفەكتسيانىڭ كەڭ تارالۋىنا اكەپ سوعۋى مۇمكىن. مۇنداي جاعدايدا دارىگەرلەرگە اۋرۋدى ۋاقىتىلى انىقتاپ، وقشاۋلاۋ قيىن سوعادى.

«وسىعان بايلانىستى پوليتسيا قىزمەتكەرلەرى كۇشەيتىلگەن رەجيمدە جۇمىسىن جالعاستىرىپ، تۇرعىندارعا ءتۇسىندىرۋ جۇمىستارىن جۇرگىزە بەرۋى كەرەك. جۇمىس ىستەۋگە رۇقسات ەتىلگەن كومپانيالاردىڭ جۇمىسى كۇن سايىن مونيتورينگتەن ءوتۋى كەرەك. سانيتارلىق نورمالاردى ساقتاماعان نىساندار جابىلادى. اۋرۋ جۇقتىرۋ قاۋپى ءالى بار، قازىر بوساڭسيتىن كەز ەمەس»، - دەيدى التاي كولگىنوۆ.

ول ەڭ الدىمەن ءوزىڭنىڭ جانە جاقىندارىڭنىڭ دەنساۋلىعىنا الەۋمەتتىك جاۋاپكەرشىلىكپەن قاراۋ كەرەك ەكەنىن ايتتى. وكىنىشكە قاراي، كوروناۆيرۋسپەن اۋىرعانداردىڭ% 40 - 18-30 جاس ارالىعىنداعى،% 36 - 30-50 جاس ارالىعىنداعى ادامدار.

«كوروناۆيرۋستى تۇماۋ سياقتى قابىلداماۋ كەرەك. بۇل دەرت بۇرىن سوزىلمالى اۋرۋى بولماعان جاس ادامنىڭ دەنساۋلىعىن ساناۋلى كۇندە- اق ناشارلاتىپ جىبەرۋى مۇمكىن. ءوزىڭدى وقشاۋلاۋ مەن سانيتارلىق نورمالاردى ساقتاۋ عانا بۇرىنعى قالىپتى ومىرگە تەزىرەك ورالۋىمىزعا كومەكتەسە الادى» ، - دەيدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات