ەۋروپادا كوروناۆيرۋسقا بايلانىستى جاڭا شەكتەۋلەر ەنگىزىپ جاتىر
8 - ماۋسىمنان باستاپ ۇلى بريتانياعا شەتەلدەن كەلگەن بارلىق ادام ەكى اپتاعا سوزىلاتىن كارانتينگە وقشاۋلانادى. ەگەر كەلۋشى ءوز ازاماتى نەمەسە شەتەلدىك ازامات بولسا دا بيلىك ورگاندارىنا قايدا ايالدايتىنىن ايتۋعا مىندەتتەلەدى. جەكە وقشاۋلانۋدان باس تارتقان ادامدار 1000 ەۋرودان استام ايىپپۇل تولەيدى. بۇل مىندەتتەن تەك مەديتسينالىق قىزمەتكەرلەر، تاۋار جەتكىزەتىن جۇك كولىكتەرىنىڭ جۇرگىزۋشىلەرى، ماۋسىمدىق جۇمىسشىلار مەن مەن ءىس ساپاردا جۇرگەن شەنەۋنىكتەر بوساتىلادى. بريتاندىق بيلىك باستاپقىدا كارانتيننىڭ جاڭا رەجيمى بىرىككەن كورولدىككە فرانسيادان كەلۋشىلەرگە تارالمايتىنىن مالىمدەگەن ەدى. ءبىراق بۇل شەشىمنىڭ سەبەبى ايتىلمادى. لا- مانش بۇعازىنىڭ قارسى جاعالاۋىندا كاتوليكتەردىڭ ءدىني مەرەكەسىنە ورايلاستىرىلعان ۇزاق دەمالىس كۇندەرى ءوتىپ جاتىر. جاعاجايلاردا باقىلاۋ كۇشەيتىلگەن. فرانسيانىڭ ديۋنكەرك ايماعىنىڭ برە- ديۋن كوممۋناسىندا دەمالۋشىلار شەكتەۋدى ەلەمەستەن كۇنگە قىزدىرىنىپ جاتىر. گەنۋيا تەڭىزىنىڭ جاعالاۋىندا دا تەك سۋعا شومىلىپ، سپورتپەن اينالىسۋعا رۇقسات ەتىلگەن. جەرگىلىكتى تۇرعىنداردىڭ قاجەتتى الەۋمەتتىك قاشىقتىقتى ساقتاۋى ءۇشىن جاعاجايلار ارقانمەن بولىنگەن. ونى بۇزعاندارعا ايىپپۇل سالىنادى. پورتۋگاليادا ليسسابوننان 25 شاقىرىم جەردەگى كاپكايش قالاسى جازعى ماۋسىمعا دايىندالۋدا. جەرگىلىكتى بيلىك بارلىق تۇرعىنداردى COVID-19 انتيدەنەسنىىڭ بار- جوعىن تەكسەرمەك. ەكى ايلىق كارانتيننەن كەيىن ەلدە ءدامحانا، مەيرامحانا جانە كوپتەگەن دۇكەندەر قايتا اشىلدى.