+7 (701) 759 90 19
0 °С : نۇر-سۇلتان
6 °С : الماتى
USD 429.59 EUR 507.3
RUB 5.62 CNY 64.1
جاڭالىقتار

جۇرگىزۋشى كۋالىگىن اۋىستىرۋعا ءوتىنىشتى ۇيدەن شىقپاي- اق بەرۋگە بولادى

23 مامىر 08:27
:ءبولىسۋ
جۇرگىزۋشى كۋالىگىن اۋىستىرۋعا ءوتىنىشتى ۇيدەن شىقپاي- اق بەرۋگە بولادى

نۇر-سۇلتان. قازاقپارات - «ەلەكتروندىق ۇكىمەت» پورتالىندا جۇرگىزۋشى كۋالىكتەرىن بەرۋ بويىنشا كورسەتىلەتىن قىزمەت جەتىلدىرىلدى. ەندى ونى مەرزىمى وتكەن، تەگىن، اتىن جانە اكەسىنىڭ اتىن اۋىستىرعان، قۇجاتتى جوعالتقان نەمەسە ۇرلاعان كەزدە پايدالانۋعا بولادى.

كورسەتىلەتىن قىزمەتتى جەكە تۇلعالار پايدالانا الادى، ونىڭ ناتيجەسى جۇرگىزۋشى كۋالىگىن دايىنداۋ تۋرالى حابارلاما بولىپ تابىلادى. «ءبىز تۇراقتى جانە تاۋلىك بويى مونيتورينگ جۇرگىزىپ، كەرى بايلانىس جاسايمىز. ازاماتتاردان كەلىپ تۇسەتىن بارلىق ۇسىنىستار جەكە كەيستەر رەتىندە قارالادى جانە پىسىقتالادى. بۇل سونداي- اق ونلاين رەجيمىندە مەملەكەتتىك كورسەتىلەتىن قىزمەتتەردى الۋ پروتسەسىن جاقسارتۋعا جانە جەڭىلدەتۋگە ىقپال ەتەدى»، - دەپ ءتۇسىندىردى «ۇ ا ت» ا ق باسقارما ءتوراعاسى اسەت تۇرىسوۆ.

كورسەتىلەتىن قىزمەتتى الۋ ءۇشىن پورتالعا eGov.kz كىرۋ جانە «كولىك جانە كوممۋنيكاتسيا» قوسىمشا بەتىن تاڭداۋ. «اۆتوموبيل كولىگى» بولىمىندە «جۇرگىزۋشى كۋالىكتەرىن بەرۋ» كورسەتىلەتىن قىزمەتىن تاڭداۋ. بۇدان ءارى پورتالدا اۆتورلانۋ جانە «كورسەتىلەتىن قىزمەتكە ونلاين تاپسىرىس بەرۋ» باتىرماسى بويىنشا ءوتۋ. بارلىق مىندەتتى الاڭداردى تولتىرۋ، فوتوسۋرەتتى جانە قول قويۋ ۇلگىسىن جۇكتەۋ. 1,25 اەك مولشەرىندە تولەم جۇرگىزۋ جانە ە ت س ق كومەگىمەن قىزمەتكە قول قويۋ قاجەت.

«تەگىن، اتىن جانە اكەسىنىڭ اتىن وزگەرتۋ» جولىن تاڭداعان كەزدە تەگىن، اتىن، اكەسىنىڭ اتىن اۋىستىرۋ تۋرالى كۋالىكتى جۇكتەۋ قاجەت. ءىس- ارەكەت ەتۋ مەرزىمى وتكەننەن كەيىن 083-ۋ مەديتسينالىق انىقتامانى، جوعالعان نەمەسە ۇرلانعان جاعدايدا اۋداندىق پوليتسيا باسقارماسىنان انىقتامانى تىركەۋ قاجەت. كورسەتىلەتىن قىزمەت ق ر ءى ءى م قاپ- مەن بىرگە موديفيكاتسيالانعان.

www.24.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات