+7 (701) 759 90 19
16 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

قانداي تاڭعى اس اعزاعا قاۋىپتى - گاستروەنتەرولوگ كەڭەسى

22 مامىر 21:43
:ءبولىسۋ
قانداي تاڭعى اس اعزاعا قاۋىپتى - گاستروەنتەرولوگ كەڭەسى

نۇر-سۇلتان. قازاقپارات - گاستروەنتەرولوگ دارىگەردىڭ ايتۋىنشا، تەك بوتقا نەمەسە باسقا دا كومىرسۋلاردان تۇراتىن تاڭعى اس اعزاعا قاۋىپ تۋدىرادى.

ونداي تاڭعى استىڭ سالدارىنان قانت ديابەتى، ارتىق سالماق پايدا بولادى جانە اسقازان- ىشەك جولدارىنىڭ بۇزىلۋى مۇمكىن.

گاستروەنتەرولوگ جانە ديەتولوگ يرينا پوتيانوۆانىڭ ايتۋىنشا، تاڭعى استىڭ ەڭ قاۋىپتى ءتۇرى - نەگىزىنەن كومىرسۋلاردان تۇراتىن تاعامدار. مۇنداي تاڭعى اسقا ءداندى داقىلدار بوتقاسى (سۇلى جارماسى، جارما)، كونديتەرلىك ونىمدەر، تاتتىلەر، اق نان جاتادى. دارىگەر بۇلاي تاڭعى اس ءىشۋ قانداعى گليۋكوزا دەڭگەيىن كۇرت جوعارىلاتاتىنىن ايتتى. سالدارىنان ينسۋلين گورمونى ارتادى، ول گليۋكوزا كونسەنتراتسياسىنىڭ ەداۋىر تومەندەۋىنە الىپ كەلەدى جانە قاۋىپتى جاعداي تۋعىزادى.

«قارىننىڭ اشۋى، السىزدىك بايقالادى، ويتكەنى ميعا قانت جەتىسپەيدى. سودان كەيىن تاماقتانساڭىز، گليۋكوزا مەن ينسۋلين دەڭگەيى قايتادان كوتەرىلەدى. ەگەر مۇنداي سيكل قايتالانا بەرەتىن بولسا، بۇل كومىرسۋعا دەگەن تاۋەلدىلىككە الىپ كەلەدى»، - دەپ ەسكەرتتى گاستروەنتەرولوگ.

مۇنداي اۋىتقۋلاردان ارتىق سالماق جينالادى، ويتكەنى ينسۋلين ارتىق گليۋكوزانى مايعا اينالدىرادى. سونىمەن بىرگە ەكىنشى ءتيپتى قانت ديابەتىنە شالدىقتىرۋى مۇمكىن. دارىگەر قۇرامىندا اقۋىز، ماي جانە تالشىق تۇرىندەگى كۇردەلى كومىرسۋلار بار تاڭعى اس ءىشۋدى ۇسىنادى. ماماننىڭ ايتۋىنشا، ەگەر تاماقتانعاننان كەيىن ۇيقى كەلە باستاسا، وندا تىم كوپ كومىرسۋ تۇتىنعاندىقتىڭ بەلگىسى.

www.24.kz


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات