ەڭ سوڭعى تاسمان قاسقىرىنىڭ ۆيدەوسى جاريالاندى
بەينەسيۋجەت 1935 -جىلى تاسمانياداعى حوبارتس حايۋاناتتار باعىندا تۇسىرىلگەن. حايۋاناتتار باعىنداعى ەڭ سوڭعى تاسمان قاسقىرىنىڭ اتى بەندجامين بولعان. 21 سەكۋندتىق ۆيدەو «تاسمانيا - عاجايىپتار ەلى» اتتى دەرەكتى فيلم ءۇشىن تۇسىرىلگەن. ال ونى تۇسىرۋشىلەر ەڭ سوڭعى تۇقىمى ەكەنىن بىلمەگەن. ۆيدەوداعى قاسقىر بىرەر ايدان كەيىن مەرت بولعان، - دەپ جازادى CNN.
ۆيدەوجازبا 4ك فورماتىمەن وڭدەلگەن. وندا جۇرگىزۋشى جانۋاردىڭ وتە سيرەك كەزدەسەتىنى جايلى جانە وركەنيەتتىڭ دامۋى ولاردىڭ ءومىر سۇرۋىنە ەداۋىر اسەر ەتكەنى جايلى ايتادى. تاسمان قاسقىرى - ءىرى قالتالى جىرتقىشتار ساناتىنا جاتادى. ونىڭ بويىندا قاسقىردىڭ، تۇلكىنىڭ جانە ۇلكەن مىسىق تۇرلەرىنىڭ بەلگىلەرى بار. ءبىر قاراعاندا بۋدانداستىرىلعان سەكىلدى كورىنەدى. كەنگۋرۋ، كەمىرگىشتەر (قويان، ءتيىن، سۋىر، ت. ب. ) مەن كىشىگىرىم قۇستاردى اۋلاپ ءومىر سۇرگەن. ءبىر كەزدەرى بۇل جانۋار اۋستراليا قۇرلىعىنىڭ بار ايماعىندا كەزدەسكەن. ءبىراق ەكى مىڭ جىل بۇرىن ماتەريكتەگى دامۋى كۇرت ازايعان. وعان سەبەپ - ادامدار مەن جابايى دينگو ءيتىنىڭ اسەرى بولۋى بەك مۇمكىن. كەيىنىرەك از بولىگى تاسمانيا ارالىن مەكەندەگەن.
رەسمي دەرەك بويىنشا، ەڭ سوڭعىسى 1936 -جىلدىڭ 7 - قىركۇيەگىندە ولگەن. ول - ءدال وسى ۆيدەوداعى بەندجامين. تاسمان قالتالى قاسقىرى جايلى ۆيدەو 3 مينۋتقا جەتەر جەتپەس قانا. وندا دا ساپالى، داۋىسى انىق بولماعاندىقتان جانۋاردىڭ داۋىسىن ەستۋ مۇمكىن ەمەس. سوڭعى جىلدارى تاسمان قاسقىرى جايلى دەرەكتەر ايتىلىپ ءجۇر. تابيعاتتا بىرەڭ- ساراڭى كەزدەسۋى دە مۇمكىن دەسەدى. سەبەبى 2016-2019 -جىلدار ارالىعىندا اۋستراليا پوليتسياسىنا وسى جانۋاردى كەزدەستىرگەنى جايلى 8 حابارلاما تۇسكەن. ءبىراق كورگەندەردىڭ بىردە- ءبىرى جىرتقىشتى فوتو، نە ۆيدەوعا ءتۇسىرىپ ۇلگەرمەگەن.
Massaget.kz