كوروناۆيرۋستان قايتىس بولعان ادام دونور بولا الا ما
«مەن پانەدميا كەزىندەگى جۇرەك پەن وكپە ترانسپلانتاتسياسى ماسەلەلەرىن تالقىلايتىن حالىقارالىق توپتىڭ مۇشەسىمىن جانە ءبىز كوروناۆيرۋستان قايتىس بولعانداردىڭ اعزا مۇشەلەرىن الۋ ماسەلەسىن ءجيى تالقىلايمىز. مەنىڭ جەكە پىكىرىم - ءار ناۋقاستى دەربەس قاراستىرۋ. ورگانعا مۇقتاج ادامنىڭ ساناۋلى كۇنى قالسا، بۇل وتا ونىڭ ۇزاعىراق ءومىر سۇرۋىنە مۇمكىندىك بەرسە، تاۋەكەل ەتۋ كەرەك. بۇل - مەنىڭ جەكە پىكىرىم. ادام ءومىرىن ءتىپتى 1 كۇنگە ۇزارتۋعا مۇمكىندىك بەرسە، بۇل مۇمكىندىكتى پايدالانۋ كەرەك» ، - دەدى يۋري پيا كارديوحيرۋرگيالىق ورتالىقتا وتكەن باسپا ءسوز ءماسليحاتىندا.
ونىڭ ايتۋىنشا، ك ۆ ي پاندەمياسىنان بۇكىل الەمدە ورگان ترانسپلانتاتسياسى ماسەلەسى قيىنداي تۇسكەن.
«حالىقارالىق توپ مۇشەسى بولعاندىقتان، وزگە ەلدەرمەن اقپارات الماسىپ وتىرامىز. كوپتەگەن ەلدەر دونورلىق ورگانداردى جەتكىزۋ شەكتەلگەندىكتەن، تۇتاس باعدارلامانى ۋاقىتشا توقتاتتى. ال دونورعا مۇقتاج اسا اۋىر جاعدايداعى ناۋقاستار ءالى دە بار» ، - دەدى يۋ. پيا.