قىتاي مەن د د ۇ كوروناۆيرۋسپەن كۇرەسكە قاراجات جينايتىن قايىرىمدىلىق قور قۇردى

نۇر- سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمى مەن قىتاي بيلىگى COVID-19-بەن كۇرەسۋ ءۇشىن قاراجات جينايتىن قايىرىمدىلىق باعدارلاماسىن ىسكە قوستى.

قازاقپارات بۇل تۋرالى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىنا سىلتەمە جاساپ حابارلايدى.

قايىرىمدىلىق قورى Tencent Foundation, Alibaba Foundation, Alipay Foundation سەكىلدى قىتايلىق 20 ينتەرنەت- پلاتفورماسى ارقىلى قاراجات جينايدى.

«د د ۇ- نىڭ باس ديرەكتورى تەدروس ادحانوم گەبرەيەسۋس CPWF قورىنىڭ د د ۇ- نىڭ COVID-19 پاندەمياسىمەن جاھاندىق كۇرەستە كورسەتىپ جاتقان كومەگىن جوعارى باعالادى. سونىمەن قاتار ول قور د د ۇ- نىڭ ادامداردىڭ ءومىرىن قۇتقارۋ جولىنداعى كۇش- جىگەرىنە تىكەلەي ۇلەس قوسىپ جاتقان جەكەلەگەن كومپانيالار مەن تۇلعالارعا قولداۋ بىلدىرەتىنىن اتاپ ءوتتى»،- دەپ حابارلايدى قازاقپارات.