+7 (701) 759 90 19
20 °С : نۇر-سۇلتان
19 °С : الماتى
USD 399.67 EUR 452.95
RUB 5.82 CNY 56.36
جاڭالىقتار

مەن قاتتى قورىقتىم - كوروناۆيرۋستان ەمدەلىپ شىققان اقتوبەلىك

22 مامىر 15:27
:ءبولىسۋ
مەن قاتتى قورىقتىم - كوروناۆيرۋستان ەمدەلىپ شىققان اقتوبەلىك

اقتوبە. قازاقپارات - اقتوبە وبلىسى بويىنشا ىندەتكە شالدىققانداردىڭ 164 ءى ەمدەلىپ، ۇيلەرىنە شىقتى. ولار بۇل ىندەتتىڭ وتە قاۋىپتى، ۇنەمى قورعانىپ ءجۇرۋ قاجەت ەكەنىن ايتتى، دەپ حابارلايدى قازاقپارات ءتىلشىسى.

ىندەتكە شالدىققاندار ءوز اتى- ءجونىنىڭ اتالماعانىن، ءبارىنىڭ جاسىرىن بولعانىن قالاپ، كوبى ەم جۇرگىزىلۋ بارىسىن عانا ايتۋعا كەلىستى. ولار كوروناۆيرۋس ينفەكتسياسىنىڭ ويدان شىعارىلماعان دۇنيە ەكەنىن، قىزۋ كوتەرىلىپ، جوتەلگەن كەزدە بويدى قورقىنىش بيلەيتىنىن ايتىپ، بوس سوزگە سەنبەۋگە شىقىردى.

«مەن 15 -ءساۋىر كۇنى ماسكەۋدەن كەلدىم. شەكارا بەكەتىنەن وتكەندە قاتتى جوتەلدىم. بىردەن ستاتسيونارعا اپارىپ، اناليز الدى. كوروناۆيرۋس ينفەكتسياسى راستالىپ، اۋرۋحاناعا جاتقىزىپ، ءدارى بەردى، ەكپە جاسادى. كەيىن اقتوبە قالاسىنداعى ينفەكتسيالىق اۋرۋحاناعا جەتكىزىپ، كۇن سايىن جاعدايىمىز قالىپقا تۇسە باستادى. بۇل اۋرۋ بار. مەن ءوزىم سەزىندىم. اۋىرعان ادامنىڭ مۇرنى ءيىس سەزبەيدى، ءدام بىلمەيدى. مۇنداي جاعداي ءبىرىنشى رەت كەزدەسىپ تۇر. قاتتى قورىقتىم. قازىر بارلىعى جاقسى. اۋرۋحانادا 20 كۇن جاتىپ، ەم قابىلدادىم»، - دەدى اقتوبەلىك تۇرعىن. تاعى ءبىر اقتوبەلىك ماسكەۋدەن كەلگەن كەزدە ىندەتكە شالدىققانىن بىلگەن.

«21 -ءساۋىر كۇنى ماسكەۋدەن كەلدىم. مەنى شەكارادا تەكسەردى. ودان ءۇش كۇن بۇرىن قىزۋىم كوتەرىلىپ، قينالدىم. ال اقتوبەگە جەتكەندە ءيىس سەزبەدىم. اناليز تاپسىرعان كەزدە ۆيرۋس انىقتالدى. بىردەن ينفەكتسيالىق گوسپيتالگە جاتقىزىپ، ەم جۇرگىزدى. دارىگەرلەر جان- جاقتى قاراپ، كومەكتەستى. مەندە جەڭىل تۇردە ءوتتى. ءدام سەزبەدىم، ءيىس دە مۇلدە بىلىنبەدى» ، - دەدى ول.

قازىر ءوز جاعدايلارى تۋرالى ايتىپ بەرگەن ەكى ناۋقاس تا ەمىن الىپ، ۇيلەرىنە جىبەرىلدى. ايتا كەتەيىك، سوڭعى تاۋلىكتە اقتوبەدە 2 ايلىق نارەستەدەن كوروناۆيرۋس ينفەكتسياسى انىقتالعان بولاتىن.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات