+7 (701) 759 90 19
5 °С : نۇر-سۇلتان
6 °С : الماتى
USD 421.58 EUR 496.83
RUB 5.53 CNY 62.2
جاڭالىقتار

ت ج د وكىلى الماتىدا بالالاردىڭ تەرەزەدەن ءجيى قۇلايتىنىن ايتتى

22 مامىر 14:26
:ءبولىسۋ
ت ج د وكىلى الماتىدا بالالاردىڭ تەرەزەدەن ءجيى قۇلايتىنىن ايتتى

الماتى. قازاقپارات - الماتىدا جىل باسىنان بەرى 2 بالا تەرەزەدەن قۇلاعان.

بۇل تۋرالى ونلاين بريفينگ بارىسىندا قالالىق ت ج د ازاماتتىق قورعانىس باسقارماسىنىڭ باسشىسى، پولكوۆنيك تۇرىسبەك سارتايەۆ ايتتى، دەپ حابارلايدى قازاقپارات ءتىلشىسى.

«جىل سايىن جاز ماۋسىمىندا ستاتيستيكا قايعىلى وقيعامەن باستالادى. سەبەبى، بالالار بيىك قاباتتارداعى اشىق تۇرعان تەرەزەدەن قۇلاپ كەتەدى. ناۋرىز ايىنان باستاپ الماتى قالاسىندا 112 جەلىسى بويىنشا وسىنداي 2 وقيعا تىركەلدى، ءبىر بالا وقيعا ورنىندا مەرت بولدى. جۇماليەۆ كوشەسىندە ورنالاسقان 5 قاباتتى ءۇيدىڭ 4-قاباتىنىڭ تەرەزەسىنەن 3 جاستاعى ۇل بالا قۇلاپ كەتكەن. ول كەزدە اتا-اناسى ۇيدە بولعان. اۋىر جاراقات العان بالا شۇعىل كومەك كورسەتۋ ورتالىعىنا جەتكىزىلدى. دارىگەرلەردىڭ كومەگىنىڭ ارقاسىندا 10 كۇننەن سوڭ بالا جازىلىپ، اۋرۋحانادان شىقتى»، - دەدى تۇرىسبەك سارتايەۆ.

ال جاسقانات شاعىناۋدانىندا 9 قاباتتى ءۇيدىڭ 6-قاباتىنان قۇلاعان بالا وقيعا ورنىندا كوز جۇمدى. «22-ناۋرىز مەرەكە كۇنى تۇركسىب اۋدانى جاس قانات ىقشام اۋدانىنداعى 9 قاباتتى ءۇيدىڭ 6-قاباتىنان ۇلكەندەردىڭ قاراۋىنسىز اس ۇيدە ويناپ وتىرعان قىز بالا تەرەزەدەن قۇلاپ ءتۇستى. 18-ماۋسىمدا 4 جاسقا تولار ەدى. بالا جەدەل مەديتسينالىق جاردەم كەلگەنگە دەيىن قايتىس بولدى»، - دەدى پولكوۆنيك.

ت ج د وكىلى اينالاعا قىزىعۋشىلىعى باسىم 5 جاسقا دەيىنگى بالالاردىڭ ءجيى قۇلايتىنىن ايتتى. وسى جاعدايلارعا بايلانىستى الماتى ت ج د اتا-انالار مىناداي ەرەجەلەردى ەستە ساقتاۋى كەرەكتىگىن ايتادى:

- ەگەر تەرەزە 12,5 س م ارتىق اشىق بولسا، بالاڭىز تەرەزەدەن قۇلاپ كەتۋى مۇمكىن؛ - تەرەزەنىڭ كەڭ اشىلۋىنا مۇمكىندىك بەرمەيتىن قۇلىپ ورناتىڭىز؛

- بالالارعا تەرەزەدەن الىس ويناۋدى ۇيرەتىڭىز؛

- بالالاردى ۇنەمى باقىلاۋدا ۇستاۋ كەرەك؛

- تەرەزەگە ورناتىلعان موسكيتتى تورلار بالالاردىڭ قۇلاۋىنا كەدەرگى بولا المايدى؛

- تەرەزەنى اشۋعا مۇمكىندىك بەرمەيتىن شەكتەۋلەر قويىڭىز.

اۆتور: گۇلميرا عوسمانالي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات