بيىل قىتاي حالقىنىڭ جالپى سانى انىقتالماق
بۇل تۋرالى جۇما كۇنى 13-شاقىرىلىمداعى بۇكىل قىتايلىق حالىق وكىلدەرى جينالىسىنىڭ 3-سەسسياسىندا جاريالانعان باياندامادا ايتىلدى، دەپ حابارلايدى قازاقپارات ءتىلشىسى.
ق ح ر مەملەكەتتىك كەڭەسىنىڭ بۇعان دەيىن حابارلاۋىنشا، ساناق 2020 -جىلدىڭ 1-قاراشاسىندا باستالىپ، حالىقتىڭ سانى، قۇرىلىمى جانە گەوگرافيالىق جاعىنان ءبولىنىسىن انىقتايدى.
«قىتايدا قالالاردا توپتاسۋ دەڭگەيى العاش رەت 60 پايىزدان اسقان»، - دەلىنگەن باياندامادا. ال 2010 -جىلى قالاداعى تۇرعىندار سانى 49,6 پايىزدى قۇراعان.
ەسكە سالا كەتسەك، سوڭعى حالىق ساناعى 2010 -جىلى بولعان. كەيىنگى ون جىلدا، 2000 -جىلى وتكىزىلگەن 5-ساناقتان كەيىن قۇرلىقتاعى قىتاي تۇرعىندارىنىڭ سانى 73,9 ميلليون ادامعا كوبەيگەن.
جالپى العاندا، 2010 -جىلعى جاعداي بويىنشا قىتاي حالقىنىڭ سانى 1,3 ميلليارد ادامنان اسقان. بۇل ەلدە جالپى ۇلتتىق حالىق ساناعى 1953، 1964، 1982، 1990، 2000 جانە 2010 -جىلدارى جۇرگىزىلدى.
اۆتور: رۋسلان سۇلەيمەنوۆ
فوتو: mandarinhouse.com