كيم چەن ىن الەمدى تاعى دا الاڭداتا باستادى

سەۋل. YONHAP- قازاقپارات - وڭتۇستىك كورەيا سولتۇستىككورەيالىق كوشباسشى كيم چەن ىننىڭ قايدا جۇرگەنىن نازاردان تىس قالدىرماۋدا، دەپ حابارلادى جۇما كۇنى ەلدىڭ بىرلەسۋ مينيسترلىگىنەن.

كيم چەن ىن ءۇش اپتا بويى جۇرتشىلىق الدىنا شىقپاعان، دەپ حابارلايدى قازاقپارات Yonhap اگەنتتىگىنە سىلتەمە جاساپ.

كيمنىڭ دەنساۋلىعى مەن ونىڭ قايتىس بولۋى تۋرالى وسەك-اياڭ جۇرت الدىنا 20 كۇن شىقپاي، 1-مامىردا زاۋىت قۇرىلىسىنىڭ اياقتالۋ سالتاناتىنا بارعان سوڭ توقتادى. قاڭتار ايىندا كيم چەن ىن جۇرت الدىنا 21 كۇن بويى شىقپاعان بولاتىن. كيم وسىلاي ءجيى جوعالادى. 25-قاڭتار كۇنى پحەنياندا جاڭا جىلدى تويلاۋعا ارنالعان كونسەرتتەن سوڭ ەل كوشباسشىسى ءۇش اپتا بويى كورىنبەي كەتكەن. اقىرى مەملەكەتتىك ب ا ق ونىڭ قايتىس بولعان اكەسىنىڭ تۋعان كۇنىندە پحەنيانداعى كەسەنەگە بارعانىن حابارلادى.

جۇرت كوزىنەن ەڭ ۇزاق جوعالعانى 2014 -جىلدىڭ قىركۇيەگىندە بولعان. ول كەزدە كيم چەن ىن 40 كۇنگە جوعالدى.