+7 (701) 759 90 19
13 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

قازاقستاننىڭ بارلىق قالالارى اراسىنداعى اۋە قاتىناسى قالپىنا كەلەتىن ۋاقىتى جاريالاندى

22 مامىر 12:56
:ءبولىسۋ
قازاقستاننىڭ بارلىق قالالارى اراسىنداعى اۋە قاتىناسى قالپىنا كەلەتىن ۋاقىتى جاريالاندى

نۇر-سۇلتان. قازاقپارات - قازاقستاننىڭ بارلىق قالالارى اراسىنداعى اۋە قاتىناسى 25-مامىردان باستاپ قالپىنا كەلتىرىلەدى، دەپ حابارلايدى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

ەلىمىزدىڭ بارلىق اۋەجايلارى جۇمىس ىستەي باستايدى، ال اۋە كومپانيالارى سانيتارلىق-كارانتيندىك شارالاردى ساقتاي وتىرىپ، رەيستەر سانىن دەربەس بەلگىلەيتىن بولادى.

«ۇشاقتار كولىكتەگى باس سانيتارلىق دارىگەر بەلگىلەگەن سانيتارلىق قاۋىپسىزدىكتىڭ جوعارى شارالارىن ساقتاي وتىرىپ، ياعني جەكە قورعانىس قۇرالدارىن پايدالانۋمەن، سەنسور تەرمومەترمەن دەنە قىزۋىن ولشەۋ، الەۋمەتتىك قاشىقتىقتى ساقتاۋ ارقىلى ۇشادى جانە اۋەجايلار مەن ۇشاقتاردا كۇشەيتىلگەن زالالسىزداندىرۋ جۇمىستارى جۇرگىزىلەدى»، دەلىنگەن حابارلامادا.

قازاقستان اۋماعىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا شەشىمىنە سايكەس، 25-مامىردان باستاپ اتىراۋدان رەسپۋبليكانىڭ وزگە قالالارىنا كەلەسى باعىتتار بويىنشا اۋە رەيستەرى قايتا اشىلادى.

ەسكە سالا كەتسەك، 1-مامىردان باستاپ الماتى مەن نۇر-سۇلتان قالالارى اراسىندا (2 قالا)؛ 5 -مامىردان سەمەي، وسكەمەن، پەتروپاۆل، قىزىلوردا (4 قالا)؛ 11-مامىردان اقتوبە، پاۆلودار، تاراز، قاراعاندى، تالدىقورعان، كوكشەتاۋ، قوستاناي (7 قالا) اۋە رەيستەرى اشىلعان ەدى.

ايتا كەتەرلىگى، كوروناۆيرۋس پاندەمياسىنا بايلانىستى ەلىمىزدە مەملەكەتتىك كوميسسيانىڭ شەشىمىمەن 97 حالىقارالىق باعىت بويىنشا اپتاسىنا 440 رەيس جانە ىشكى رەيستەردە 45 باعىت بويىنشا اپتاسىنا 540 تۇراقتى رەيس توقتاتىلعان بولاتىن.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات