+7 (701) 759 90 19
21 °С : نۇر-سۇلتان
21 °С : الماتى
USD 412.10 EUR 454.34
RUB 5.82 CNY 57.62
جاڭالىقتار

شەكارا قىزمەتىنىڭ لاۋازىمدى ءبىر توپ وكىلى قاماۋعا الىندى

22 مامىر 10:58
:ءبولىسۋ
شەكارا قىزمەتىنىڭ لاۋازىمدى ءبىر توپ وكىلى قاماۋعا الىندى

باكۋ. قازاقپارات - ازەربايجاندا مەملەكەتتىك شەكارا قىزمەتىنىڭ التى وفيتسەرى قاماۋعا الىندى، دەپ حابارلايدى قازاقپارات Trend اگەنتتىگىنە سىلتەمە جاساپ.

مەملەكەتتىك قاۋىپسىزدىك قىزمەتى مەن باس پروكۋراتۋرا بىرلەسكەن تەرگەۋ شاراسى كەزىندە كاسپي تەڭىزىندەگى مەملەكەتتىك شەكارانى كەسىپ ءوتۋ جانە وزگە دە زاڭعا قايشى ارەكەتتەر بايلانىستى فاكتىلەر انىقتالعان.

بىرلەسكەن شارالاردىڭ ناتيجەسىندە ازەربايجان مەملەكەتتىك شەكارا قىزمەتى (م ش ق) باستىعىنىڭ ورىنباسارى، گەنەرال-لەيتەنانت افگان ناگيەۆ پەن ونىڭ قولاستىنداعى قىزمەتكەرلەر - م ش ق جاعالاۋ كۇزەتىنىڭ باستىعى پولكوۆنيك نەمات پاناحوۆ، پولكوۆنيك-لەيتەنانت ەلچين ۆەليەۆ، پولكوۆنيك ساميگ ءازيزوۆ، پولكوۆنيك-لەيتەنانت ساكيت مۋرادوۆ، مايور مۋزاففار نامازوۆ جانە تاعى باسقالارى، قىزمەتىن تەرىس ماقساتتا پايدالانىپ كاسپي تەڭىزىندە زاڭسىز بالىق اۋلاۋشىلارعا جاعداي جاساعانى ءۇشىن پارا رەتىندە اقشا العان.

تەرگەۋ بارىسىندا اتالعان لاۋازىمدى تۇلعالاردىڭ ءار ايدىڭ سوڭىندا افگان ناگيەۆتىڭ كابينەتىندە وعان پارا رەتىندە جيعان اقشانى تاپسىرعانى، ال افگان ناگيەۆتىڭ توپ مۇشەلەرى اراسىندا ۇلەستىرۋ ءۇشىن ولارعا بەلگىلى ءبىر پايىزىن قايتارىپ وتىرعانى انىقتالدى.

لاۋازىمدى تۇلعالاردىڭ قىزمەت ورىندارى مەن ۇيلەرىن تەكسەرۋ بارىسىندا ولاردىڭ العان اقشالاي قاراجاتى تۋرالى ءتۇرلى جازبالار، سونداي-اق ءتۇرلى ۆاليۋتادا ساقتالعان اقشا، قىلمىستىق ءىس ءۇشىن ماڭىزدى وزگە دە قۇجاتتار مەن ايعاق دالەلدەر تابىلعان.

اتالعان فاكتىگە بايلانىستى ازەربايجاننىڭ باس پروكۋرورى جانىنداعى سىبايلاس جەمقورلىققا قارسى كۇرەس بويىنشا باس باسقارما ازەربايجان قىلمىستىق كودەكسىنىڭ 308.1 - جانە 311.3.1 - باپتارى بويىنشا قىلمىستىق ءىس قوزعالدى.

ايىپتالۋشىلار باكۋ اسكەري سوتىنىڭ شەشىمىمەن قاماۋعا الىندى جانە قىزمەتتەرىنەن شەتتەتىلدى.

ەسكە سالا كەتسەك، 30 -ساۋىردە قازاقستاندىق شەكاراشىلار كاسپي تەڭىزىنىڭ قازاقستاندىق بولىگىندە ازەربايجاننىڭ 4 ازاماتى مىنگەن «بايدا» ۇلگىسىندەگى قايىقتى ۇستاعان بولاتىن.



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات