+7 (701) 759 90 19
13 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

تارازدا العاش رەت تەگىن ءبىلىم بەرەتىن جەكەمەنشىك مەكتەپ-گيمنازيا اشىلادى

22 مامىر 10:31
:ءبولىسۋ
تارازدا العاش رەت تەگىن ءبىلىم بەرەتىن جەكەمەنشىك مەكتەپ-گيمنازيا اشىلادى

تاراز. قازاقپارات - جامبىل وبلىسىندا الداعى جاڭا وقۋ جىلى قارساڭىندا تەگىن ءبىلىم بەرەتىن العاشقى جەكەمەنشىك مەكتەپ-گيمنازيانى اشۋ جوسپارلانىپ وتىر.

ايماق باسشىسى بەردىبەك ساپاربايەۆ ءتورت قاباتتى عيماراتتىڭ قۇرىلىس جۇمىستارىمەن تانىستى، دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.

«ARAI- ELITE « جەكەمەنشىك ەليتالىق مەكتەپ-گيمنازياسى - تەگىن ءبىلىم بەرەتىن وبلىستاعى العاشقى جەكەمەنشىك ءبىلىم ورداسى بولماق. وتكەن جىلدىڭ تامىز ايىندا ىرگەسى قالانعان نىساننىڭ قۇرىلىسى قىزۋ جۇرگىزىلۋدە.

باس مەردىگەر «اراي قۇرىلىس ماركەت-2003» جاۋاپكەرشىلىگى شەكتەۋلى سەرىكتەستىگىنىڭ وكىلدەرى عيماراتتى جاڭا وقۋ جىلى باستالعانشا پايدالانۋعا بەرۋگە ۋادە بەرىپ وتىر. جۇمىس ساپارى كەزىندە بەردىبەك ساپاربايەۆ قۇرىلىستىڭ بارىسىمەن جان-جاقتى تانىستى.

ءتورت قاباتتى عيمارات 1025 وقۋشىعا شاقتالعان. 41 وقۋ كابينەتى، كومپيۋتەر سىنىبى، حيميا، بيولوگيا، فيزيكا پاندەرىنىڭ زەرتحانالىق كابينەتتەرى، ءماجىلىس زالى، اسحاناسى بار. سونداي-اق بالالارعا ارناپ فۋتبول جانە باسكەتبول الاڭدارى مەن ويىن الاڭشالارى سالىنباق.

بۇدان سوڭ وبلىس اكىمى بارعان كەلەسى نىسان - «ARAI « مەديتسينالىق ورتالىعى بولدى. بۇل عيماراتتىڭ رەكونسترۋكتسيالىق جۇمىستارىمەن دە «اراي قۇرىلىس ماركەت-2003» كومپانياسى اينالىسۋدا.

1972-جىلى سالىنعان عيمارات كوپتەن بەرى جوندەۋ جۇمىستارىن قاجەت ەتۋدە. مەديتسينالىق ورتالىقتا ستاتسيونارلىق، ستاتسيونارعا جاتقىزۋ، امبۋلاتورلىق- ەمحانالىق كومەك قىزمەتتەرىن كورسەتىلەدى. مۇندا جالپى حيرۋرگيا جانە جالپى تەراپيا بولىمدەرى جۇمىس ىستەيدى. باس دارىگەر ايداربەك ابدىعاليەۆتىڭ ايتۋىنشا مەديتسينالىق ورتالىقتىڭ ءبىر بولىگى بۇرىنعى قالپىندا جۇمىس ىستەپ، دارىگەرلەر ءالى دە ناۋقاستاردى قابىلداۋدا.

كوروناۆيرۋس پاندەمياسى جاعدايىنا بايلانىستى دەزينفەكتسيالىق ءدالىز ۇيىمداستىرىلعان. ايماق باسشىسى ساپالى قۇرىلىس ماتەريالدارىن قولدانىپ، نىساندى مەرزىمىندە پايدالانۋعا بەرۋدى مىندەتتەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات