+7 (701) 759 90 19
14 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

ەلوردادا بالالار كولىكتەن اقشا ۇرلاپ، دوستارىنا ءتاتتى الىپ بەرگەن

22 مامىر 07:58
:ءبولىسۋ
ەلوردادا بالالار كولىكتەن اقشا ۇرلاپ، دوستارىنا ءتاتتى الىپ بەرگەن

نۇر-سۇلتان. قازاقپارات - ەلوردادا ەكى وقۋشى بالا اۆتوكولىكتەن سومكە ۇرلاپ، ىشىندەگى اقشاعا دوستارىنا ءتاتتى الىپ بەرگەن، دەپ حابارلايدى قازاقپارات ءتىلشىسى.

ۆەلوسيپەد تەۋىپ جۇرگەن بالالار اۆتوكولىكتىڭ بىرىندە ايەلدەر سومكەسى قالىپ كەتكەنىن بايقاعان.

ماڭايدا ەشكىمنىڭ جوقتىعىنا كوزى جەتكەن ولار كولىك سالونىنا كىرىپ، سومكەنى جىمقىرىپ كەتكەن. ماشينانىڭ ەسىگى قۇلىپتالماعانى انىقتالدى.

«بالالار ىشىندەگى اقشاسىن الىپ، سومكەنىڭ ءوزىن لاقتىرىپ جىبەرگەن. ۇرلىقتى كورگەن ايەل پوليتسياعا جۇگىندى. بىرنەشە ساعاتتىڭ ىشىندە قۇقىق قورعاۋشىلار ۆيدەوباقىلاۋ كامەرالارى ارقىلى زاڭ بۇزۋشىلاردى ۇستاپ الدى. پوليتسيا قىزمەتكەرلەرىن كورگەن ولار ءىسىن بىردەن مويىنداپ، كەشىرىم سۇرادى. «اقشا قايدا؟» دەگەن سۇراققا بالالار وزدەرىنە جانە كورشى دوستارىنا گازدالعان سۋسىن، چيپس پەن ءتاتتى-ءدامدى الۋعا جۇمساعانىن ايتتى»، - دەدى قالالىق پوليتسيا دەپارتامەنتىنەن.

جاس وسپىرىمدەر ىستەرى جونىندەگى ينسپەكتورلار بالالار بۇعان دەيىن مۇنداي زاڭ بۇزۋشىلىققا بارماعانىن ايتادى.

پوليتسەيلەر ءىستىڭ سالدارىن ۇقتىرىپ، وقۋشىلارمەن ءتۇسىندىرۋ جۇمىستارىن جۇرگىزگەن. ال جۇرگىزۋشىلەرگە ءتارتىپ ساقشىلارى كولىكتى جاۋىپ جۇرۋگە كەڭەس بەرەدى.

«سونىمەن بىرگە پوليتسيا جىل باسىنان بەرى تەكسەرىس جۇرگىزىپ، اشىق قالعان 700 كولىكتى انىقتاعان. ولاردىڭ 600 ءى پوليتسيانىڭ كوزىنشە ەسىگىن جاۋىپ، ەسكەرتىلگەن»، - دەپ حابارلايدى دەپارتامەنتتەن.


باستى سوزدەر: استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات