ادامداردى بلوكپوستان وتكىزۋ ءۇشىن پارا العان اكىمدىك قىزمەتكەرى سوتتالدى

نۇر- سۇلتان. قازاقپارات - الماتىدا بلوكپوستتان ازاماتتاردى كەدەرگىسىز وتكىزگەن اكىمدىك قىزمەتكەرى سوتتالدى. بۇل تۋرالى ق ر سىبايلاس جەمقورلىققا قارسى ءىس- قيمىل اگەنتتىگىنەن ءمالىم ەتتى، دەپ حابارلايدى قازاقپارات ءتىلشىسى.

«2020 -جىلدىڭ 13 - مامىرىندا الماتى قالاسى جەتىسۋ اۋداندىق №2 سوتىنىڭ ۇكىمىمەن الماتى قالاسى تۇرعىندارىنان «اشىبۇلاق» شەڭبەرىندەگى №11 بلوكپوست ارقىلى كەدەرگىسىز ارلى- بەرلى وتۋلەرى ءۇشىن بىرنەشە مارتە جالپى سوماسى 380 مىڭ تەڭگەدەن اساتىن پارانى العانى ءۇشىن الماتى قالاسى جەتىسۋ اۋداندىق اكىمى اپپاراتى مەملەكەتتىك- قۇقىقتىق ءبولىمىنىڭ باس مامانى س. ورازوۆ سوتتالدى»، - دەلىنگەن ۆەدومستۆو اقپاراتىندا.

اگەنتتىك مالىمەتىنشە، سوت ۇكىمىمەن وعان 13 ميلليون 300 مىڭ تەڭگە ايىپپۇل سالىندى. سونىمەن قاتار ول مەملەكەتتىك قىزمەتتە لاۋازىم اتقارۋ قۇقىعىنان ءومىر بويىنا ايىرىلدى.

اۆتور: مارلان جيەمباي