+7 (701) 759 90 19
13 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

تانىمال تۇركولوگ عالىمدار اباي تۋرالى كونفەرەنسياعا قاتىستى

21 مامىر 20:03
:ءبولىسۋ
تانىمال تۇركولوگ عالىمدار اباي تۋرالى كونفەرەنسياعا قاتىستى

نۇر- سۇلتان. قازاقپارات - بۇگىن «اباي جانە 21- عاسىر: داۋىرلەر ساباقتاستىعى» تاقىرىبىندا ونلاين كونفەرەنسيا ءوتتى.

بۇل شارا حالىقارالىق تۇركى اكادەمياسى 10 جىلدىعى قارساڭىندا ۇيىمداستىرىلدى، دەپ حابارلايدى قازاقپارات ءتىلشىسى.

تىكەلەي ۆيدەوبايلانىس فورماتىندا وتكەن كونفەرەنسياعا حالىقارالىق تۇركى اكادەمياسىنىڭ پرەزيدەنتى دارحان قىدىرالى، يۋنەسكو ازيا جانە تىنىق مۇحيتى ءبولىمىنىڭ باستىعى اندرەي شيەۆەليەۆ، قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ، قىرعىز رەسپۋبليكاسىنىڭ مادەنيەت، اقپارات جانە تۋريزم ءمينيسترى ازامات جامانكۋلوۆ، تۇركى كەڭەسى باس حاتشىسىنىڭ ورىنباسارى سۇلتان رايەۆ، تۇركى تىلدەس ەلدەر پارلامەنتتىك اسسامبلەيا كەڭەسىنىڭ (تۋركپا) باس حاتشىسىنىڭ ورىنباسارى الي يىلدىز، تۇركيا رەسپۋبليكاسىنىڭ يۋنەسكو ىستەرى جونىندەگى ۇلتتىق كوميسسيانىڭ ءتوراعاسى ءوجال وعۋز، ازەربايجان ۇلتتىق عىلىم اكادەمياسىنىڭ ۆيتسە- پرەزيدەنتى، اكادەميك يسا گابيببەيلي، قازاقستان رەسپۋبليكاسىنىڭ سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى باتىرحان قۇرمانسەيىت، تۇركياداعى تۇرىك ءتىلى قوعامىنىڭ ءتوراعاسى، پروفەسسور گۇلەر گۇلسيەۆين، سونىمەن قاتار ازەربايجان، باشقۇرتستان (ر ف)، قازاقستان، قىرعىزستان، ماجارستان، موڭعوليا، وزبەكستان جانە تۇركيا ەلدەرىنىڭ تانىمال تۇركولوگ عالىمدارى قاتىستى.

بۇعان قوسا كوپتەگەن ەلدەردەگى زەرتتەۋشىلەر مەن زيالى قاۋىم وكىلدەرى ونلاين رەجيمدە تىڭداۋشى رەتىندە قاتىسىپ، الەۋمەتتىك جەلى قولدانۋشىلارى تىكەلەي كورسەتىلىمدەر ارقىلى تاماشالادى. كونفەرەنتسيا مارتەبەلى مەيمانداردىڭ قۇتتىقتاۋ سوزدەرىمەن باستالدى. باسقوسۋدى جۇرگىزىپ وتىرعان اكادەميا باسشىسى دارحان قىدىرالى العاشقى ءسوز كەزەگىن يۋنەسكو ازيا جانە تىنىق مۇحيتى ءبولىمىنىڭ باستىعى اندرەي شيەۆەليەۆكە بەردى.

يۋنەسكو وكىلى قاتىسۋشىلاردى ۇلى اقىن مەرەيتويىمەن قۇتتىقتاپ، يۋنەسكو نىڭ باس ديرەكتورىنىڭ ورىنباسارى فيرمين ماتوكونىڭ ارنايى قۇتتىقتاۋىن جەتكىزىپ، كونفەرەنتسيانىڭ ءساتتى وتۋىنە تىلەگىن ءبىلدىردى. قازاقستان تاراپىنان اتقارىلاتىن جۇمىستاردى بايانداپ بەردى. ودان كەيىن ءسوز العان قازاقستان مەن قىرعىزستاننىڭ ءبىلىم، عىلىم سالالارىنا جاۋاپتى مينيسترلەرى اسحات ايماعامبەتوۆ جانە ازامات جامانكۋلوۆ ءوز كەزەگىندە اكادەميا جۇمىسىنا ريزاشىلىقتارىن ءبىلدىرىپ، الداعى جۇمىستارعا ساتتىلىك تىلەدى.

القالى جيىن بارىسىندا ابايدىڭ 175 جىلدىعىنا وراي حالىقارالىق تۇركى اكادەمياسى ازىرلەپ جارىققا شىعارعان بىرنەشە جاڭا كىتاپ تانىستىرىلدى. بۇدان كەيىن كونفەرەنسيانىڭ پلەنارلىق وتىرىسى جالعاسىپ، تانىمال عالىمدار - شىڭعىس ايتماتوۆ اتىنداعى ءتىل جانە ادەبيەت ينستيتۋتىنىڭ ديرەكتورى، اكادەميك ابىلداجان اكماتاليەۆ (قىرعىزستان)، تاريح، ءتىل جانە ادەبيەت ينستيتۋتىنىڭ ديرەكتورى، پروفەسسور فيردوۋس حيساميتدينوۆا (باشقۇرتستان)، ادەبيەت جانە ونەر ينستيتۋتىنىڭ ديرەكتورى، پروفەسسور كەنجەحان ماتىجانوۆ (قازاقستان)، ەۋرازيا جازۋشىلار وداعىنىڭ ءتوراعاسى ياكۋب ومەروعلى (تۇركيا)، پروفەسسور نەرگيس بيراي (تۇركيا)، پروفەسسور قوزوقبوي يۋلدوشيەۆ (وزبەكستان)، كورنەكتى جازۋشى- اۋدارماشى، پروفەسسور سۇلتان تاۋكەي ۇلى (موڭعوليا)، دوكتور داۆيد شومفاي- كارا (ماجارستان) وزدەرىنىڭ مازمۇندى باياندامالارىن جاساپ، ۇلى اقىن ابايدىڭ ءومىرى مەن شىعارماشىلىعىنا تۋرالى پايىمدى پىكىرلەرىمەن ءبولىستى.

ايتا كەتۋ كەرەك، حالىقارالىق تۇركى اكادەمياسى بيىلعى جىلدى ۇلى ابايعا ارناپ، شارالاردىڭ باستاۋىن قاڭتار ايىندا ازەربايجان رەسپۋبليكاسىنىڭ استاناسى باكۋ قالاسىندا باستاعان بولاتىن. ابايدىڭ 175 جىلدىق مەرەيتويىنا بايلانىستى وسىنداي شارالار اكادەمياعا مۇشە مەملەكەتتەردىڭ بارلىعىندا جىل بويىنا جالعاسىن تاباتىن بولادى.

اۆتور: مارلان جيەمباي


باستى سوزدەر: قازاق ةلئ,
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات