+7 (701) 759 90 19
15 °С : نۇر-سۇلتان
18 °С : الماتى
USD 399.67 EUR 452.95
RUB 5.82 CNY 56.36
جاڭالىقتار

ەلباسى كىتاپحاناسى جادىگەرلەرىن قاشىقتان تاماشالاۋعا بولادى

21 مامىر 17:22
:ءبولىسۋ
ەلباسى كىتاپحاناسى جادىگەرلەرىن قاشىقتان تاماشالاۋعا بولادى

نۇر- سۇلتان. قازاقپارات - ەلباسى كىتاپحاناسىنىڭ بىرەگەي جادىگەرلەرىمەن تانىستىراتىن ەكسكۋرسيانى ەندى قاشىقتان تاماشالاۋعا بولادى، دەپ حابارلايدى قازاقپارات.

«ەلباسى كىتاپحاناسى كارانتين تارتىبىنە سايكەس كەلۋشىلەرىن قابىلداي الماسا دا، جۇمىستىڭ جاڭا ۇلگىسى مەن جۇرتشىلىقپەن بايلانىستىڭ تىڭ تۇرلەرىن ەنگىزۋدە. وسى تۇستا presidentlibrary.kz سايتىندا ۆيرتۋالدى كورمەلەر، ونلاين- بايقاۋلار جاريالاندى. الداعى ۋاقىتتا عىلىمي ونلاين- كونفەرەنتسيالار مەن بەينەكورمەلەر وتكىزۋ جوسپارلانعان» ، - دەلىنگەن حابارلامادا.

نازاربايەۆ ورتالىعى مەن ق ر تۇڭعىش پرەزيدەنتى مۋزەيى عيماراتىنىڭ ەكسپوزيتسيا زالدارىنا شولۋ جاسايتىن بەينەتۋرلار - ەلباسى كىتاپحاناسىنىڭ ارنايى جوباسى. كورەرمەندەر كىتاپحانا عيماراتى ساۋلەتىمەن، زالدارمەن، بىرەگەي مۋزەي، كىتاپحانا جانە ارحيۆتىك جيناقتارمەن قاشىقتان تانىسۋعا مۇمكىندىك الادى. بارلىق ەكسكۋرسيالار ەلباسى كىتاپحاناسى سايتىنداعى «بەينەگالەرەيا» بولىمىندە قازاق، ورىس، اعىلشىن تىلدەرىندە جاريالانعان. بەينەتۋردى جۇرگىزگەن ەلباسى كىتاپحاناسىنىڭ ەكۋسكۋرسيا قىزمەتكەرلەرى عيماراتتىڭ تاريحىنا توقتالىپ، ونىڭ تورىنەن ورىن العان ەكسپوزيتسيالار مەن كورمەلەرگە قاتىستى دەرەكتەردى كەلتىرەدى.

ق ر تۇڭعىش پرەزيدەنتى - ەلباسى كىتاپحاناسىنىڭ عيماراتى الەمدە تانىمال بريتان ساۋلەتشىسى نورمان فوستەردىڭ جوباسىمەن سالىنعان. سىرت كەلبەتى اسپانعا زەر سالعان كوزدىڭ قاراشىعىن بەينەلەيتىن عيمارات زااماناۋي قازاقستاننىڭ ومىرشەڭ قۋاتىن بىلدىرەدى. عيماراتتىڭ ەكىنشى، ءۇشىنشى قاباتىندا ەلباسى كىتاپحاناسىنىڭ مۋزەي، ارحيۆ جيناقتارىنان جاساقتالعان ەكسپوزيتسيالار ورنالاسقان. ەلباسى جەكە ءارحيۆىنىڭ قۇجاتتارى مەن فوتوماتەريالدارى تاۋەلسىز قازاقستاننىڭ قالىپتاسۋ ۇدەرىسىن، پرەزيدەنتتىك ينستيتۋتتىڭ قۇرىلۋىن، جاڭا مەملەكەت پەن ونىڭ استاناسىنىڭ مەملەكەتتىك قۇرىلىسىن بەينەلەيدى. بەينەەكسكۋرسيا كورەرمەندەردى تۇڭعىش پرەزيدەنتتىڭ العاشقى رەزيدەنتسياسى، كەيىن ەلباسى كىتاپحاناسىنىڭ مۋزەيىنە اينالعان تاريحي كەشەنمەن تانىستىرادى. نۇرسۇلتان نازاربايەۆ 1997-2004 -جىلدارى وسى عيماراتتا جۇمىس ىستەگەن.

ەلباسىنىڭ جۇمىس كابينەتى باستاپقى كەيپىندە ساقتالعان. باسقا زالداردا قازاقستاننىڭ جاڭا تاريحىنىڭ نەگىزگى كەزەڭدەرىن بەينەلەيتىن ەكسپوزيتسيالار ۇسىنىلعان. ەلباسى مۋزەيىنىڭ جيناعى 11 مىڭنان استام ساقتاۋ بىرلىگىن قۇرايدى. بەينەەكسكۋرسيادا قازاقستانداعى پرەزيدەنتتىك ينستيتۋتتىڭ قالىپتاسۋ تاريحىنىڭ نەگىزگى وقيعالارىنان سىر شەرتەتىن فوتو، بەينە قۇجاتتار مەن مۋزەي جادىگەرلەرى ۇسىنىلعان.

«قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ قارۋ- جاراق توپتاماسى» تۇڭعىش پرەزيدەنت رەزيدەنتسياسى كەزىندە قازاقستان رەسپۋبليكاسى قاۋىپسىزدىك كەڭەسىنىڭ زالى بولعان بولمەدە ورنالاسقان. مۇندا ساقتالعان ءاربىر جادىگەر - شەتەل مەملەكەت جانە ۇكىمەت باسشىلارىنىڭ، قوعامداستىق وكىلدەرىنىڭ ەلباسىعا تابىس ەتكەن تارتۋى. قارۋ- جاراق توپتاماسىندا الەمنىڭ كوپتەگەن ەلدەرىنىڭ زاماناۋي ەڭ ۇزدىك قارۋ- جاراق ونەرى شەبەرلەرىنىڭ باعا جەتپەس تۋىندىلارىنان قۇرالعان. حالىقارالىق مۋزەي كۇنىنە وراي ەلباسى كىتاپحاناسىنىڭ رەسمي سايتىندا «بەينە مەن ءپىشىن ۇندەستىگى» كورمەسىنىڭ بەينەتۋرى ۇسىنىلعان.

اتالعان توپتاماعا قازاقستان حالقىنا، ەلباسىنا ءوزارا سىيلاستىق پەن دوستىقتىڭ نىشانى رەتىندە الەمنىڭ ءتۇرلى ەلدەرىنىڭ ليدەرلەرى، حالىقارالىق ۇيىمدار مەن كومپانيالار جەتەكشىلەرى تارتۋ ەتكەن ديپلوماتيالىق سىيلىقتار جيناعى ەندى. ەكسپوزيتسيادا فارفور، شىنى، كەراميكا، مەتالل، تاس، اعاش سياقتى ماتەريالداردان جاسالعان جادىگەرلەر مەن الەمگە بەلگىلى مانۋفاكتۋرالار مەن فابريكالاردىڭ ونىمدەرى ۇسىنىلعان. ەلباسى كىتاپحاناسىنىڭ جاڭا بەينەتۋرلارى تۋرالى اقپاراتتى ونىڭ Facebook جانە Instagram الەۋمەتتىك جەلىلەرىندەگى رەسمي پاراقشالارىنان الۋعا بولادى.


باستى سوزدەر: مادةنيةت, استانا,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات