التى جىل بويى ىزدەۋدە جۇرگەن قىلمىسكەر ۇستالدى

نۇر-سۇلتان. قازاقپارات - اقتوبەدە التى جىل بويى ىزدەۋدە جۇرگەن قىلمىسكەر ۇستالدى. 11 - مامىر كۇنى اقتوبەلىك پوليتسەيلەر قىمبات اۆتوكولىكتەردى ۇرلاعانى ءۇشىن التى جىل بويى ىزدەۋدە بولعان 39 جاستاعى اقتوبە تۇرعىنىن ۇستادى.

ۇستالعاننان كەيىن ەر ادام اقتوبە قالاسىنىڭ تەرگەۋ يزولياتورىنا قامالدى، ۇرلىق فاكتىلەرى بويىنشا تەرگەۋ امالدارى جۇرگىزىلىپ جاتىر. ءىس ماتەريالدارىنا سايكەس 2013 -جىلدىڭ 26- قازانىندا اتالعان ەر ادام رەسەيدىڭ ەكى ازاماتىمەن بىرگە Toyota Land Cruiser 200 ماركالى كولىگىن 11 شاعىن اۋدانداعى كۇزەتىلەتىن اۆتوتۇراقتان ايداپ كەتكەن. كۇدىكتىلەر ۇرلانعان اۆتوكولىكپەن رەسەيگە شىعۋعا تىرىستى. الايدا قارعالى اۋدانىندا كولىك توقتاتىلىپ، رەسەيدىڭ ەكى ازاماتى وقيعا ورنىندا ۇستالدى. ال اقتوبە قالاسىنىڭ تۇرعىنى وقيعا ورنىنان قاشىپ ۇلگەرگەن. سودان كەيىن ەر ادامعا ىزدەۋ جاريالانعان ەدى.

www.24.kz