قازاقستان كوروناۆيرۋسقا قارسى كەيبىر پرەپاراتتى شەتەلدەن جەتكىزە الماي وتىر

None
None
نۇر- سۇلتان. قازاقپارات - پاندەمياعا بايلانىستى شەكارالار جابىلىپ، كوروناۆيرۋسقا قارسى كەيبىر شەتەلدىك پرەپاراتتاردى قازاقستانعا جەتكىزۋ قيىنعا سوعىپ وتىر، دەپ حابارلايدى قازاقپارات ءتىلشىسى.

«البەتتە، قازىر كەيدە شاعىمدار تۇسەدى. الەمدىك پاندەمياعا بايلانىستى بۇعان دەيىن جولعا قويىلعان لوگيستيكالىق پروتسەستىڭ ءبارى جويىلدى، كوپتەگەن ەلدە شەكارا جابىلدى. ءتىپتى، ءوز قاجەتتىلىگىنە بايلانىستى كەيبىر مەملەكەت وسىعان دەيىن شەتەلگە شىعارىپ كەلگەن پرەپاراتتاردى ەندىگارى باسقا ەلدەرگە ساتپايتىنىن جاريا ەتتى. زاۋىتتاردىڭ كەيبىرى توقتاپ تا قالدى. ماسەلەن، ءۇندىستانداعى جاعداي بويىنشا فورس- ماجور جاعداي تۋىندادى. سەبەبى ول ەلدەگى ماحاراشترا شتاتىندا زاۋىتتاردىڭ ءبارى تولىعىمەن جابىلدى. ۇندىستانمەن زولەدرون قىشقىلى بويىنشا كەلىسىمشارتىمىز بار ەدى. ەلدىڭ ءوزى كارانتينگە جابىلىپ قالعاندىقتان، ونى الىپ شىعۋ قيىنعا اينالدى» ، - دەدى «س ق- فارماتسيا» ج ش س- ءنىڭ باسقارما ءتوراعاسى بەرىك ءشارىپ دەنساۋلىق ساقتاۋ مينيسترلىگىنىڭ Facebook-پاراقشاسىندا وتكەن سۇحباتتا.

ونىڭ ايتۋىنشا، كۇردەلى ماسەلە تۋىنداعانىمەن ەكى ەلدىڭ اراسىنداعى كەلىسسوزدەردىڭ ارقاسىندا مامىر ايىنىڭ سوڭىنا دەيىن زولەدرون قىشقىلىن قازاقستانعا جەتكىزۋ جوسپارى بار. سونداي- اق ول تاعى 20 پرەپاراتتى الىپ كەلۋدە پروبلەما تۋىنداپ وتىرعانىن ايتتى.

«جەتكىزۋ جاعىنان قيىندىق تۋعىزىپ تۇرعان 20 پرەپارات بار. ونىڭ ءبارىن دە الەمدىك پاندەمياعا بايلانىستى قازاقستانعا الىپ كەلۋ قيىنعا اينالىپ وتىر» ، - دەدى ول. ماسەلەن، ءبىر مەملەكەت قازاقستانعا وسىعان دەيىن كەلىسىلگەن پرەپاراتتاردى ەندى جەتكىزبەيتىنىن جاريا ەتسە، وندا باسقا كاسىپورىندارمەن كەلىسسوز باستالادى.

«ال ەگەر كەلىسىمشارت جاساسقان كاسىپورىن بەلگىلى ءبىر ۋاقىت سۇراسا، وندا وعان پرەپاراتتى كەش تە بولسىن جەتكىزۋ قۇقىعى كومپانياعا بەرىلەدى. قازىر الەمدە ادامداردىڭ قوزعالىسى شەكتەلگەنىمەن، تاماق پەن ءدارى- دارمەك تاسىمالىنا رۇقسات بار. دەگەنمەن كەيبىر پرەپارات بويىنشا لوگيستيكا سيپاتىنداعى قيىندىقتار تۋىنداعانىن ايتا كەتۋ كەرەك» ، - دەدى بەرىك ءشارىپ.


سوڭعى جاڭالىقتار