گرەكيا تۋريستىك ماۋسىمنىڭ باستالۋ ۋاقىتىن جاريالادى

None
None
نۇر-سۇلتان. قازاقپارات - گرەكيا بيلىگى تۋريستىك كەزەڭدى 15 - ماۋسىمدا اشۋ تۋرالى شەشىم قابىلدادى. شىلدەدەن باستاپ بارلىق تۋريستىك باعىتتاعى حالىقارالىق رەيستەر قالپىنا كەلتىرىلەدى.

بۇل تۋرالى ەلدىڭ پرەمەر- مينيستر كيرياكوس ميتسوتاكيس مالىمدەدى. 15- ماۋسىمنان باستاپ رەيستەر تەك افينا حالىقارالىق اۋەجايىنا، ال 1 - شىلدەدەن باستاپ اۋە رەيستەرى ەلدەگى بارلىق اۋەجايعا قونادى. تۋريستەرگە گرەكياعا كوروناۆيرۋس تەستىن تاپسىرماي- اق مەن كارانتينسىز كىرۋگە رۇقسات ەتىلەدى. دەگەنمەن ەڭ العاشقى تۋريستەر بالقان تۇبەگى جانە سولتۇستىك ەۋروپا ەلدەرىنەن قابىلدانباق. گرەكيادا كوروناۆيرۋستىق ينفەكتسيانىڭ 2850 جاعدايى تىركەلگەن. ىندەتتەن 166 ادام قايتىس بولدى، 1400 گە جۋىق ادام ەمدەلىپ شىقتى.

www.24.kz


سوڭعى جاڭالىقتار