عالىمدار: قىتايدا تابىلعان جاڭا ۆيرۋس ادامعا اسا قاۋىپ توندىرە قويمايدى

نۇر-سۇلتان. قازاقپارات - قىتايدىڭ سولتۇستىك- شىعىسىنان تابىلعان كەيىنگى ۆيرۋس ادامعا اسا قاۋىپ توندىرە قويمايدى، دەپ حابارلايدى «حابار 24» .

ول ۋحانداعى ىندەتتەن الدەقايدا ءالسىز. كورشى ەلدىڭ عالىمدارى وسىلاي دەپ وتىر. ونى جۇقتىرعان ادامنىڭ دەنە قىزۋى كوتەرىلە قويمايدى جانە وكپەنى عانا زاقىمدايدى. ال قالعان اعزالارعا اۋىز سالمايدى ەكەن. عالىمدار بۇل ۆيرۋس قىتايعا وزگە ەلدەردەن كەلۋى مۇمكىن دەيدى.

شيۋ حايبو، ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتتىڭ ساراپشىسى:

- حيلۋڭجياڭ جانە جيلين پروۆينتسيالارىندا ىندەتتىڭ ەرەكشەلىگى - ينكۋباتسيا كەزەڭى ۇزاق. ال، جاقسى جاڭالىعى، مۇندا اۋرۋى اسقىنعان ناۋقاستاردىڭ سانى ۋحانمەن سالىستىرعاندا از، ەمدى دە جاقسى قابىلدايدى.