قازاقستاندا كوروناۆيرۋس جۇقتىرعانداردى قانداي پرەپاراتتارمەن ەمدەۋدە
بۇل سۇراققا دەنساۋلىق ساقتاۋ مينيسترلىگىنىڭ Facebook پاراقشاسىندا بەرگەن سۇحباتىندا «س ق- فارماتسيا» ج ش س- ءنىڭ باسقارما ءتوراعاسى بەرىك ءشارىپ جاۋاپ بەردى، دەپ حابارلايدى قازاقپارات ءتىلشىسى.
«COVID-2019 اۋرۋى بويىنشا دارىگەرلەرىمىز ۆيرۋسقا قارسى ءبىرشاما پرەپاراتتاردى پايدالانۋدا. ونىڭ ءبىرى - الۋۆيا لوپيناۆيرى. ول سونىمەن قاتار ۆيچ- ينفەكتسياسىن جۇقتىرعان پاتسيەنتتەردىڭ اعزاسىنا قىسىمدى ازايتۋ ءۇشىن قولدانىلادى. جالپى كوروناۆيرۋس جۇقتىرعانداردى ەمدەۋ ءۇشىن دەنساۋلىق ساقتاۋ مينيسترلىگى ارنايى كلينيكالىق حاتتامانى بەكىتكەن بولاتىن. ول حاتتاماعا دۇنيەجۇزىلىك دەنساۋلىق ساقتاۋ ۇيىمى كەڭەس بەرگەن پرەپاراتتار دا ەنگىزىلدى» ، - دەدى بەرىك ءشارىپ.
بۇل تۋرالى تولىعىراق مالىمەتتى ءبىلۋ ءۇشىن بەرىك ءشارىپ COVID-2019 اۋرۋى بويىنشا كلينيكالىق حاتتاماعا ءبىر كوز جۇگىرتىپ شىعۋعا كەڭەس بەرەدى.
«جالپى دارىگەر رەتىندە ايتار بولسام، كوروناۆيرۋس تا - ۆيرۋستىڭ ءبىر ءتۇرى. سول سەبەپتى اعزاعا تۇسەتىن ۆيرۋستىڭ قىسىمىن ازايتۋ ءۇشىن قاجەتتى پرەپاراتتار قولدانىلادى. ءبىز بۇل پرەپاراتتى (الۋۆيا لوپيناۆيرى) 10 مىڭ ادامعا ارناپ اقپان ايىنىڭ وزىندە دايىنداپ قويعان بولاتىنبىز. سونىمەن قاتار كوروناۆيرۋسقا قارسى الدىن الا گيدروسليحلوريت، حلورينو- فوسفاتتاردى اكەلدىك. وسىنىڭ ءبارى دە كلينيكالىق حاتتاماعا سايكەس ەمگە پايدالانىلادى» ، - دەدى بەرىك ءشارىپ.
«س ق- فارماتسيا» ج ش س- ءنىڭ باسقارما ءتوراعاسى اتالعان پرەپاراتتاردىڭ قورى ءبىزدىڭ ەلدە جەتكىلىكتى ەكەنىن ايتتى.