نۇر- سۇلتان قالاسىنىڭ جاڭا ورتالىعىن سالۋ بارىسىن باقىلاۋ جونىندەگى مەملەكەتتىك كوميسسيانىڭ وتىرىسى ءوتتى

نۇر- سۇلتان. قازاقپارات – ق ر پرەمەر- ءمينيسترى اسقار ءماميننىڭ توراعالىعىمەن نۇر- سۇلتان قالاسىنىڭ جاڭا ورتالىعىن سالۋ بارىسىن باقىلاۋ جونىندەگى مەملەكەتتىك كوميسسيانىڭ وتىرىسى ءوتتى.

بۇل تۋرالى primeminister.kz سايتىنا حابارلايدى. نۇر- سۇلتان قالاسىنىڭ 2019-2023 -جىلدارعا ارنالعان جيناقى قۇرىلىسى جونىندەگى كەشەندى جوسپاردى ىسكە اسىرۋ تۋرالى قالا اكىمى ا. كولگىنوۆ، تۇرعىن ءۇي قۇرىلىسى، ينجەنەرلىك جانە جول- كولىك ينفراقۇرىلىمىن دامىتۋ تۋرالى يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ، ەلوردانى گازداندىرۋ تۋرالى ەنەرگەتيكا ءمينيسترى ن. نوعايەۆ، مەكتەپتەر قۇرىلىسى تۋرالى ءبىلىم جانە عىلىم ءمينيسترى ا. ايماعامبەتوۆ، حالىقتى سۋمەن قامتاماسىز ەتۋ جاعدايى تۋرالى ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ، سونداي- اق جۇمىستىڭ بەيىندى باعىتتارى بويىنشا ورتالىق مەملەكەتتىك ورگانداردىڭ باسشىلارى بايانداما جاسادى. نۇر- سۇلتان قالاسىندا جيناقى قۇرىلىس سالۋ جونىندەگى 2019-2023 -جىلدارعا ارنالعان كەشەندى جوسپار 23 ءىس- شارادان جانە 543 جوبادان تۇرادى. بيىل قالانى گازداندىرۋدىڭ بىرىنشى كەزەگىن ىسكە اسىرۋ جۇمىستارى جالعاسادى، اتاپ ايتساق، «كوكتال» ، «جەلەزنودوروجنىي» ، «پرومىشلەننىي» جانە «وڭتۇستىك- شىعىس» تۇرعىن ءۇي الاپتارى، ج ە و-1, 2 رەكونسترۋكتسيالاۋ جانە ج ە و-3 قۇرىلىسى. ۇزىندىعى 15,1 شاقىرىم بولاتىن اۆتوجولداردى، ۇزىندىعى 84 شاقىرىم ينجەنەرلىك- كوممۋنيكاتسيالىق ينفراقۇرىلىمدى - ەلەكترمەن، جىلۋمەن، سۋمەن جابدىقتاۋ، سۋ تارتۋ جانە نوسەرلىك كارىز جۇيەسى جەلىلەرىن سالۋ جانە رەكونسترۋكتسيالاۋ جۇمىستارى اياقتالادى. تۇرعىن ءۇي الاپتارىن دامىتۋ باعدارلاماسى بويىنشا - اباتتاندىرۋ، مەكتەپتەر، ەمحانالار سالۋ جانە ت. ب. جوبالار ىسكە اسىرىلادى.

بۇگىندە قالادا 3 ميلليوننان استام كۋدىرات مەتىر تۇرعىن ءۇي سالىنىپ جاتىر. جىل باسىنان بەرى 637 مىڭ كۋدىرات مەتىر پايدالانۋعا بەرىلدى. بيىل 10 مىڭ ورىنعا شاقتالعان 13 مەملەكەتتىك مەكتەپتىڭ قۇرىلىسىن اياقتاۋ، سونداي- اق 2021-2022 -جىلدارى پايدالانۋعا بەرۋدى كوزدەۋمەن 20 مىڭ ورىنعا شاقتالعان 19 مەكتەپتىڭ جوبالىق- سمەتالىق قۇجاتتاماسىن ازىرلەۋ جوسپارلانعان. قوسىمشا 20 مىڭ ورىنعا شاقتالعان 10 مەكتەپ م ج ا تەتىگى بويىنشا سالىنادى. قۇرىلىستاردى بيىل تامىز ايىندا باستاۋ جوسپارلانعان، مەكتەپتەر 2021 -جىلدىڭ 1 -قىركۇيەگىنە دەيىن پايدالانۋعا بەرىلەدى. وتىرىسقا قاتىسۋشىلار تۇرعىن ءۇيدىڭ قولجەتىمدىلىگىن ارتتىرۋ، الەۋمەتتىك نىساندار قۇرىلىسى، كولىك ينفراقۇرىلىمىن دامىتۋ، ماگيسترالدى، ورامىشىلىك جانە اۋلاىشىلىك جولداردىڭ جاعدايىن جاقسارتۋ، قوعامدىق قاۋىپسىزدىكتى قامتاماسىز ەتۋ، كوشەلەردى، سكۆەرلەردى جانە باسقا دا جالپى قولدانىستاعى ورىنداردى جارىقتاندىرۋ، كوممۋنالدىق قىزمەتتەر ۇسىناتىن قىزمەتتەردىڭ ساپاسىن ارتتىرۋ، سونداي- اق توڭىرەكتى دامىتۋ سەكىلدى جۇيەلى ماسەلەلەردى قاراستىردى.

پرەمەر- مينيستر قۇرىلىستاردىڭ جوسپارلانعان كولەمىن قامتاماسىز ەتۋگە، تۇرعىن ءۇي، مەكتەپ جانە باسقا دا الەۋمەتتىك نىسانداردى پايدالانۋعا بەرۋگە، سونداي- اق قالانىڭ سۋمەن قامتۋ جانە اباتتاندىرۋ پروبلەمالارىن شەشۋ قاجەتتىگىنە باسا نازار اۋدارتتى.

«ەلوردا قۇرىلىسى - قازاقستاننىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆ جۇزەگە اسىرعان تاريحي جوبا. مەملەكەت باسشىسى قاسىم- جومارت كەمەل ۇلى توقايەۆ الدىمىزعا ەلوردانى دامىتۋ جونىندە ءبىرقاتار ناقتى مىندەتتەر قويدى. ەندى ءبىزدىڭ باستى مىندەتىمىز - قالانىڭ تۇراقتى دامۋىن قامتاماسىز ەتۋ، ونىڭ ينفراقۇرىلىمىن، سىرتقى كەلبەتىن جاقسارتۋ. ەلوردا ءومىر ءسۇرۋ ساپاسىنىڭ دەڭگەيى بويىنشا بارلىق وڭىرگە ۇلگى بولۋى ءتيىس» ، — دەدى ا. مامين.