+7 (701) 759 90 19
20 °С : نۇر-سۇلتان
18 °С : الماتى
USD 412.55 EUR 454.18
RUB 5.81 CNY 57.66
جاڭالىقتار

الماتىدا بارلىق ح ق و مەن ءدامحانالار قاشاننان باستاپ اشىلاتىنى ايتىلدى

21 مامىر 14:26
:ءبولىسۋ
الماتىدا بارلىق ح ق و مەن ءدامحانالار قاشاننان باستاپ اشىلاتىنى ايتىلدى

الماتى. قازاقپارات - الماتى اكىمدىگى 25-مامىردان باستاپ بارلىق ءدامحانا، مەيرامحانا، ح ق و- لاردى اشۋدى جوسپارلاپ وتىر.

بۇل تۋرالى قالالىق كاسىپكەرلىك جانە ينۆەستيسيالار باسقارماسى باسشىسىنىڭ ورىنباسارى قانات ساعىندىقوۆ ايتتى، دەپ حابارلايدى قازاقپارات ءتىلشىسى.

«18-مامىردان باستاپ تۋريزم، ۇيالى بايلانىستىڭ ابونەنتتىك بولىمدەرى، بانك بولىمشەلەرى، قارجى سەكتورى تولىق اشىلدى. 25-مامىردان باستاپ كارانتين رەجيمىن بوساڭسىتۋ اياسىندا قالاداعى بارلىق ساۋدا ۇيلەرىن، ساۋدا ويىن-ساۋىق ورتالىقتارىن اشۋدى جوسپارلاپ وتىرمىز. قالادا وسىنداي 140 نىسان بار ەكەن. سونىمەن قاتار، مەيرامحانا، ءدامحانالار دا اشىلادى»، - دەدى ول.

ونىڭ ايتۋىنشا، مۇنداي مەكەمەلەردە كەلۋشىلەردىڭ سانىنا قاتىستى شەكتەۋ جوق.

«ەڭ باستىسى - سانيتارلىق تالاپتار تولىق ورىندالۋى ءتيىس. ۇستەلدەردىڭ اراسى 2 مەتردەن كەم بولماۋى كەرەك. ءبىر ۇستەلگە ءبىر وتباسىنىڭ 4 ادامى عانا وتىرعانى ابزال. قوعامدىق تاماقتانۋ ورىندارى 23:00 گە دەيىن عانا اشىق تۇرادى. ءبىراق بانكەت، توي جاساۋعا تىيىم سالىنادى»، - دەيدى ول.

سونداي-اق، الماتىدا وسى ۋاقىتقا دەيىن سانيتارلىق تالاپتارعا ساي كەلمەگەن سوڭ جابىق تۇرعان ازىق-تۇلىك بازارلارى دا اشىلادى.

«بۇل اشىق تيپتەگى بازارلاردا ءتۇسىندىرۋ جۇمىستارى جۇرگىزىلدى. سەنبى كۇنى اۋديت بولادى. ودان بولەك قالاداعى بارلىق قوناق ۇيلەر، ح ق و اشىلادى»، - دەيدى باسقارما باسشىسىنىڭ ورىنباسارى. اۋديت اۋدانى 500 شارشى مەتردەن اساتىن نىسانداردا عانا جۇرگىزىلەدى.

«قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى اۋدانى 500 شارشى مەتردەن اساتىن ساۋدا ورىندارىنا قاتىستى تالاپتاردى جاريالادى. InfoAlmaty.kz سايتىندا ءبارى جازىلعان»، - دەدى قانات ساعىندىقوۆ.

ونىڭ ايتۋىنشا، ءبىرىنشى كەزەڭدە ساۋدا ويىن- ساۋىق ورتالىقتارىندا بۋتيكتەر، مەيرامحانالار، حيمتازالاۋ اشىلادى. ەكىنشى كەزەڭدە - قوعامدىق تاماقتانۋ ورىندارى، ياعني فۋدكورت، ءۇشىنشى كەزەڭدە - كينوتەاترلار، ويىن-ساۋىق الاڭدارى اشىلادى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات