+7 (701) 759 90 19
21 °С : نۇر-سۇلتان
21 °С : الماتى
USD 412.10 EUR 454.34
RUB 5.82 CNY 57.62
جاڭالىقتار

سەنات سايلاۋ جانە ساياسي پارتيالارعا قاتىستى زاڭداردى قابىلدادى

21 مامىر 14:10
:ءبولىسۋ
سەنات سايلاۋ جانە ساياسي پارتيالارعا قاتىستى زاڭداردى قابىلدادى

نۇر-سۇلتان. قازاقپارات - پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭىنا تولىقتىرۋلار ەنگىزۋ تۋرالى» كونستيتۋتسيالىق زاڭى مەن «ساياسي پارتيالار تۋرالى» زاڭىنا وزگەرىس پەن تولىقتىرۋلار ەنگىزۋ تۋرالى» زاڭى قابىلداندى، دەپ حابارلايدى قازاقپارات ءتىلشىسى.

ۇسىنىلىپ وتىرعان زاڭ جوبالار پرەزيدەنتتىڭ ۇلتتىق قوعامدىق سەنىم كەڭەسىنىڭ ەكىنشى وتىرىسىندا بەرگەن تاپسىرمالارىن ىسكە اسىرۋ ماقساتىندا ازىرلەندى.

«زاڭ جوبالارمەن پارتيالىق سايلاۋ تىزىمدەرىندە ايەلدەر مەن جاستار ءۇشىن كەمىندە وتىز پايىز مولشەرىندەگى كۆوتانى ەنگىزۋ جانە ساياسي پارتيالاردى قۇرۋ ءۇشىن قولدانىستاعى ساندىق تىركەۋ تالابىن ەكى ەسە تومەندەتۋ ۇسىنىلادى. وسى ماقساتتا، بىرىنشىدەن، سايلاۋ تۋرالى كونستيتۋتسيالىق زاڭدا ساياسي پارتيالار تىركەۋگە ۇسىنعان پارتيالىق تىزىمدەردە ايەلدەر مەن جاستارعا ارنالعان مىندەتتى كۆوتالاردىڭ بولۋى تۋرالى تالاپ قويىلادى. جالپى، بۇگىندە الەمدەگى مەملەكەتتەردىڭ باسىم بولىگى ايەلدەر مەن جاستاردىڭ سايلاۋ پروتسەسىنە تەڭ قولجەتىمدىلىگىنە كەپىلدىك بەرۋ ءۇشىن قاجەتتى شارالار قابىلداۋدا. سونىمەن قاتار، مەملەكەت باسشىسى اتاپ وتكەندەي، ءبىز جاستاردىڭ پارلامەنتكە جانە جەرگىلىكتى وكىلەتتى ورگاندارىنا كەلۋىنە ىقپال ەتۋگە ءتيىسپىز. سوندىقتان دا، ءبىزدىڭ قوعام ءۇشىن ايەلدەر مەن جاستار جاقسى الەۋمەتتىك جانە ساياسي الەۋەتكە يە»، - دەدى ادىلەت ءمينيسترىنىڭ مىندەتىن اتقارۋشى ناتاليا پان.

وسىعان وراي، حالىقارالىق تاجىريبە اياسىندا ۇسىنىلىپ وتىرعان جاڭا نورمالار ايەلدەر مەن جاستاردى ەلدىڭ قوعامدىق-ساياسي پروتسەستەرىنە بەلسەندى تارتۋعا مۇمكىندىك بەرەتىن بولادى. «ەكىنشىدەن، ەندى ساياسي پارتيانى تىركەۋ ءۇشىن ونىڭ قۇرامىندا قىرىق مىڭ ەمەس، جيىرما مىڭ مۇشەسى بولسا جەتكىلىكتى. وسى باعىتتاعى تۇزەتۋلەر ساياسي پارتيالار تۋرالى زاڭدا كوزدەلىپ وتىر. بۇل ۇسىنىس ساياسي پارتيالاردى قۇرۋ ءتارتىبىن جەڭىلدەتەدى، سونداي- اق مەملەكەتتىك شەشىمدەردى ازىرلەۋ جانە قابىلداۋ پروتسەستەرىنە وڭ اسەرىن تيگىزەدى»، - دەدى ن. پان. ۇسىنىلىپ وتىرعان زاڭ جوبالار ءار ءتۇرلى الاڭداردا ماقساتتى توپتارمەن قارالدى. اتاپ ايتقاندا، زاڭ جوبالارى ۇلتتىق قوعامدىق سەنىم كەڭەسىنىڭ مۇشەلەرىمەن، ساياسي پارتيالاردىڭ وكىلدەرىمەن جانە جاستارمەن كەڭىنەن تالقىلاندى.

«جالپى، وسى زاڭنامالىق باستامالار ايەلدەر مەن جاستاردى قوعامنىڭ ساياسي ومىرىنە بەلسەنە قاتىسۋعا، سونداي- اق كوپپارتيالىق جۇيەنى ودان ءارى قالىپتاستىرۋعا وڭ ىقپالىن تيگىزەتىن بولادى»، - دەدى ول.

ەسكە سالا كەتسەك، 2019 -جىلى 20 جەلتوقساندا ق ر پرەزيدەنتى قاسىم-جومارت توقايەۆ ۇلتتىق قوعامدىق سەنىم كەڭەسىنىڭ ەكىنشى وتىرىسىندا، قولدانىستاعى ساياسي جۇيەنى رەفورمالاۋعا باعىتتالعان ءبىرقاتار ۇسىنىس جاساعان ەدى.

مەملەكەت باسشىسى پارتيالىق سايلاۋ تىزىمدەرىندە ايەلدەر مەن جاستارعا ارنالعان مىندەتتى 30 پايىز كۆوتانى قاراستىرۋ جانە ساياسي پارتيالاردى قۇرۋ ءۇشىن تىركەۋ تالابىن 40 مىڭنان 20 مىڭ ادامعا دەيىن تومەندەتۋ قاجەتتىلىگىن اتاپ ءوتىپ «ءبىز پارتيالارعا جانە سايلاۋعا قاتىستى زاڭداردى بىرتە-بىرتە وزگەرتۋىمىز كەرەك» دەگەن بولاتىن.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات