جەلىدە تاراعان ۆيدەودا دومبىرا تارتقان ادام بەيسەن قۇرانبەك بولماي شىقتى

نۇر -سۇلتان. قازاقپارات - الەۋمەتىك جەلىلەردە بەيسەن قۇرانبەكتىڭ ءومىرىنىڭ سوڭعى كەزدەرىندە تۇسىرگەن ۆيدەوسى تارادى.

كوپشىلىك ۆيدەوداعى ادامدى جۋرناليستكە ۇقساتپادى جانە ولاردىڭ بولجامى راس بولىپ شىقتى.

ءابدىمومىن جەلدىبايەۆتىڭ «ەركە سىلقىم» كۇيىن تارتىپ وتىرعان ەر ادام بەيسەن قۇرانبەك ەكەنى كورسەتىلگەن ۆيدەو جەلىدە جىلدام تارادى.

جۇرت ۆيدەوداعى ادامنىڭ بەيسەن قۇرانبەك ەكەنىنە سەنىمسىزدىك بىلدىرسە، ەندى ءبىرى اۋىرىپ، ارىقتاپ كەتكەنىن جازدى.

بەلگىلى بولعانداي، ۆيدەوداعى ەر ادام مارقۇم بەيسەن قۇرانبەك ەمەس ەكەن. ول - ەرجان يسين ەسىمدى كۇيشى.

ەرجان يسين - قۇرمانعازى اتىنداعى قازاق ۇلتتىق كونسەرۆاتورياسىنىڭ تۇلەگى.

«ال دوستار، ادام مەن ادام ۇقساس بولا بەرەدى. بەيسەن اعامىزعا قاتتى ۇقساس ەرجان يسين دەگەن قازاقتىڭ ازاماتىمەن شاتاستىرىپپىز. ەرجان يسين سىزگە دەنساۋلىق تىلەيمىن، جاسىڭىز ۇزاق بولسىن!»، - دەپ جازدى جەلى قولدانۋشىلارى.