+7 (701) 759 90 19
13 °С : نۇر-سۇلتان
19 °С : الماتى
USD 413.12 EUR 452.86
RUB 5.82 CNY 57.92
جاڭالىقتار

تۇركىستان وبلىسىندا كوروناۆيرۋس جۇقتىرعان ناۋقاستار مەن دارىگەرلەر حالىققا ۇندەۋ جولدادى

21 مامىر 13:12
:ءبولىسۋ
تۇركىستان وبلىسىندا كوروناۆيرۋس جۇقتىرعان ناۋقاستار مەن دارىگەرلەر حالىققا ۇندەۋ جولدادى

تۇركىستان. قازاقپارات - تۇركىستان وبلىسىندا COVID-19 ينفەكسياسىن جۇقتىرعان ناۋقاستار مەن دارىگەرلەر مالىمدەمە جاسادى.

ولار حالىقتى ساقتىق شارالارىن قاداعالاپ، ءوز دەنساۋلىعىنا نەمقۇرايلى قاراماۋعا شاقىردى، دەپ حابارلايدى قازاقپارات ءتىلشىسى. كوروناۆيرۋس ىندەتىنە شالدىققانداردىڭ ءبىرى - ءدىلدار اتاحانوۆا.

ول كەنتاۋ قالالىق جۇقپالى اۋرۋلار اۋرۋحاناسىنا اۋىر حالدە جەتكىزىلگەن. 52 جاستاعى ناۋقاستىڭ تەك بەسىنشى كۇنى بەتى بەرى قاراعان. وعان دارىگەرلەردىڭ شۇعىل مەديتسينالىق كومەگى سەپتىگىن تيگىزگەن. تۇركىستاندىق انا وكىنىشكە وراي ۇلىنىڭ دا وسى اۋرۋعا شالدىققانىن ايتىپ، كورونوۆيرۋسقا سەنبەيتىندەردى اباي بولۋعا شاقىردى.

اۋرۋحانادا ەم قابىلداپ جاتقان تاعى ءبىر ناۋقاس تولەگەن ەزتىلەۋوۆ - ارىس قالاسىنىڭ تۇرعىنى. 72 جاستاعى ناۋقاس تا اۋرۋحاناعا وتە اۋىر حالدە جەتكىزىلگەن. قاريانىڭ جاعدايى قازىر جاقسارعان. زەينەت جاسىنداعى اقساقال بۇل دەرتتىڭ تىم قاۋىپتى ەكەنىن ايتىپ، حالىق اراسىندا كوروناۆيرۋس ىندەتى جالعان دەگەن قاۋەسەتكە سەنبەيتىندەرگە ساقتانۋ كەرەكتىگىن ەسكەرتتى.

ايتا كەتەيىك، بۇگىنگى كۇنگە دەيىن تۇركىستان وبلىسى بويىنشا covid-19 ينفەكسياسىنا 247 ازامات شالدىققان. ونىڭ اراسىندا 157 ادام جازىلىپ شىققان.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات