مينيستر مادەنيەت جانە ونەر قىزمەتكەرلەرىن كاسىبي مەرەكەمەن قۇتتىقتادى

None
None

نۇر-سۇلتان. قازاقپارات - ق ر مادەنيەت جانە سپورت ءمينيسترى اقتوتى رايىمقۇلوۆا مادەنيەت جانە ونەر قىزمەتكەرلەرىن كاسىبي مەرەكەمەن قۇتتىقتادى، دەپ حابارلايدى قازاقپارات ءتىلشىسى. «قۇرمەتتى ارىپتەستەر! سىزدەردى مادەنيەت جانە ونەر قىزمەتكەرلەرىنىڭ كۇنىمەن شىن جۇرەكتەن قۇتتىقتايمىن. بۇل - حالقىمىزدىڭ باي مادەني مۇراسى مەن رۋحانياتىنىڭ دامۋىنا ۇلەس قوسىپ كەلە جاتقان ازاماتتاردى جۇدىرىقتاي جۇمىلدىراتىن مەرەيلى كۇن. بۇل - قالام سەرتىن قالتقىسىز اتقارىپ جۇرگەن اقىن-جازۋشىنىڭ، ونەر مەن تاريح تاعىلىمىمەن تانىستىراتىن مۋزەي قىزمەتكەرىنىڭ، ءبىلىم بۇلاعىمەن سۋسىنداتۋدا كومەگىن ايامايتىن كىتاپحاناشىنىڭ، مازمۇندى قويىلىممەن كورەرمەنگە ىزگىلىك ءنارىن سىيلايتىن تەاتر جانە وپەرا ءارتىسىنىڭ، وڭىرلەرلەردەگى مادەنيەت وشاقتارىندا قىزمەت ەتىپ جۇرگەن وزگە دە مامانداردىڭ ەڭبەگىن ەلەپ، العاۋسىز العىس ايتاتىن كاسىبي مەرەكە. بۇگىندە تەحنولوگيانىڭ ىلگەرىلەپ، كەشەگى اقپاراتتىڭ ءمان-ماڭىزى باسەڭسىگەنىنە قاراماستان، رۋحاني جاۋھارلارىمىز بەن مادەني قۇندىلىقتارىمىزدى مايەك ەتىپ قانا الەمدىك قاۋىمداستىق الدىندا ەگەمەن ەلىمىزدىڭ ابىرويىن ۇستەم ەتە الامىز. وسى ورايدا جاۋاپتى قىزمەتتىڭ قازانىندا قايناپ جۇرگەن سىزدەرگە زور دەنساۋلىق، وتباسىلارىڭىزعا اماندىق، تاباندىلىق پەن تولايىم تابىس تىلەيمىن» دەلىنگەن ءمينيستردىڭ قۇتتىقتاۋ حاتىندا.

سوڭعى جاڭالىقتار