قاشىقتان وقىتۋ كەيبىر بالالارعا جاقسى اسەر ەتتى - اسحات ايماعامبەتوۆ
«ءار اپتانىڭ سەنبىسىندە ونلاين رەجيمدە مۇعالىمدەرمەن پىكىر الماسامىن. ءبىز سالاداعى ماسەلەلەردى تالقىلايمىز. وسى ورايدا ۇستازدار بالالاردىڭ وقۋ ۇلگەرىمىنە قاتىستى مالىمەتتەردى ايتادى. ولاردىڭ سوزىنشە، وسىعان دەيىن جاقسى وقىعان بالالاردىڭ ساباق ۇلگەرىمى ناشارلامادى. ولار بۇرىنعىسىنشا جاقسى ىنتامەن ساباقتارىن جالعاستىرعان، ياعني ءبىلىم ساپاسىن جوعالتپاعان»، - دەدى ا. ايماعامبەتوۆ ونلاين باسپا ءسوز ءماسليحاتىندا.
سونىمەن قاتار، ول قاشىقتان وقىتۋ كەيبىر بالالارعا وڭتايلى اسەر ەتكەنىن ايتتى. «ءداستۇرلى فورماتتا وقىعان كەزدە تۇيىقتاۋ بالا رەتىندە كورىنگەندەردە وزگەرىستەر بولعان. ارىپتەستەردىڭ حابارلاۋىنشا، بۇل بالالار اشىلىپ، وزدەرىن جاڭا قىرىنان كورسەتكەن. ولار وزدەرىنىڭ ويلارىن، تۇجىرىمىن اشىق ايتا باستاعان»، - دەدى مينيستر.
ءسوز سوڭىندا ول مينيسترلىك ءۇشىن بۇرىنعىداي ءداستۇرلى كۇندىزگى وقىتۋ قولايلى ەكەنىن اتاپ ءوتتى.
اۆتور: رۋسلان عابباسوۆ