+7 (701) 759 90 19
20 °С : نۇر-سۇلتان
19 °С : الماتى
USD 399.67 EUR 452.95
RUB 5.82 CNY 56.36
جاڭالىقتار

بالا تاربيەسى تۋرالى #دانامەنبالا اتتى كىتاپ جارىققا شىعادى

20 مامىر 11:30
:ءبولىسۋ
بالا تاربيەسى تۋرالى #دانامەنبالا اتتى كىتاپ جارىققا شىعادى

نۇر-سۇلتان. قازاقپارات - زاماناۋي وتاندىق كىتاپ قورى تاعى ءبىر تاماشا تۋىندىمەن تولىقپاق. جۋرناليست، قوعام قايراتكەرى، پروديۋسەر جانە DBA دانا ورمانبايەۆا بالا تاربيەسى تۋرالى # دانامەنبالا اتتى كىتابىن جارىققا شىعارادى، دەپ حابارلايدى قازاقپارات.

#دانلمەنبالا - دانا ورمانبايەۆانىڭ 2018 -جىلى #مىنەرۋگاەمدەتەي دەگەن اتپەن تارالعان بەسىنشى پۋبليتسيستيكالىق ەڭبەگى. ول ەكى جىلدا وقىرمان جۇرەگىن جاۋلاپ، بالا تاربيەسى تۋرالى ىزدەنۋشىلەردىڭ سۇيىكتى تۋىندىسىنا اينالىپ، وتاندىق كىتاپ ساتىلىمىنىڭ ۇزدىگى اتاندى.

بۇل كىتاپ دانانىڭ العاشقى ءۇش كىتابى سياقتى self-مەنەدجمەنت تاقىرىبىن، ءتورتىنشى كىتابى سياقتى سەنىم فەنومەنى تاقىرىبىن قوزعامايدى. تۇتاستاي بالا تاربيەسى ماسەلەلەرىنە ارنالعان.

ءبىز بالالارىمىزدى دۇرىس تاربيەلەپ جاتىرمىز با؟ ولار لايىقتى ازامات بولىپ ءوسۋى ءۇشىن اكە- شەشە نەنى ءبىلۋى كەرەك؟ تاربيەدە ەڭ ماڭىزدى ماسەلە قانداي؟

بالا ءتارتىپتى بولۋ كەرەك پە، باقىتتى بولۋ كەرەك پە؟ ونىڭ باقىتتى بولۋىنا اكە- شەشە قالاي اسەر ەتە الادى؟ وسى سۇراقتاردىڭ ءبارى كەز كەلگەن سانالى اتا-انانى تولعاندىرادى. اۆتوردىڭ پىكىرىنشە، ۇلكەندەردىڭ بالا تاربيەسى تۋرالى وسى ۋاقىتقا دەيىن بىلگەندەرى ەسكىردى، ىسكە جاراماي قالدى، ساننەن دە شىقتى، ەڭ قيىنى دۇرىس ناتيجە بەرە الماي جاتىر.

ال قازىرگى «زەتا» - جاڭا بۋىن ۇرپاقتارىنا تاربيە بەرۋدە يننوۆاتسيا كەرەك. وسى ورايدا اۆتور ءوزىنىڭ 25 جىلدىق بەلسەندى جانە سانالى انالىق تاجىريبەسىمەن وزىنە ءتان مارتتىكپەن، كەڭدىكپەن بولىسەدى. اۆتور # دانامەنبالا كىتابىندا ۇسىنعان قارىم-قاتىناس تەحنولوگيالارى، ءوزارا سەنىم مەن ءتوزىمنىڭ مودەلدەرى شىنىمەن تاڭ قالدىرادى.

ءۇش ۇل، ءبىر قىزدىڭ اناسى دانا ورمانبايەۆا تاربيە جۇيەسىن جاڭا ۋاقىت تالاپتارىنا ساي قالىپتاستىرعان. بۇل ءبىلىمنىڭ ءتىپتى بولاشاق بۋىنعا دا ءتيىمدى بولارى انىق. ويتكەنى باقىتتى اتا- انا بولۋ ءۇشىن ماحاببات پەن ءتوزىم عانا ەمەس، سونىمەن قاتار ءبىلىم دە قاجەت.

# دانامەنبالا - عىلىمي ادەبيەت ەمەس، ول تۇيگەنى مول انانىڭ ءومىر تاجىريبەسىنەن الىنعان. جالاڭ سوزدەر ەمەس، عىلىمي نەگىزدەلگەن تۋىندى. اۆتوردىڭ بالا تاربيەسىنە دەگەن جاۋاپكەرشىلىگى كىتاپتىڭ قۇندىلىعىن، وعان دەگەن سەنىمدى ارتتىرا تۇسەدى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات