نۇر-سۇلتان قالاسىنان مەملەكەت كومەگىمەن تۇرعىن ءۇي الۋدىڭ قانداي جولدارى بار؟
تۇرعىن ءۇي ماسەلەسى وزەكتى ەكەنىن ەسكەرە وتىرىپ، ۇكىمەت مۇقتاج ازاماتتاردى پاتەرمەن قامتۋ بويىنشا شارالار قابىلداۋدا.
ىسالى، 2020-2025-جىلدارعا ارنالعان «نۇرلى جەر» تۇرعىن ءۇي-كوممۋنالدىق شارۋاشىلىقتى دامىتۋ مەملەكەتتىك باعدارلاماسى قابىلداندى. ونى جۇزەگە اسىرۋ اياسىندا تۇرعىن ۇيمەن قامتاماسىز ەتۋدىڭ بىرنەشە باعىتتارى قاراستىرىلعان.
الەۋمەتتىك جالعا بەرىلەتىن تۇرعىن ءۇي
بۇل باعىت شەڭبەرىندە تۇرعىن ءۇي حالىقتىڭ الەۋمەتتىك وسال توپتارىنا جانە كوپبالالى وتباسىلارعا كەزەك تارتىبىمەن بەرىلەدى. پاتەرلەر جالداۋ مەرزىمىن ۇزارتۋ قۇقىعىن بەرە وتىرىپ، 5 جىلعا بەرىلەدى. سونداي-اق جۇمىسشى جاستارعا پاتەر جالعا بەرىلەدى (29 جاسقا تولماعان، نۇر-سۇلتاندا كەمىندە ەكى جىل تىركەۋدە تۇرعان جانە ق ر بويىنشا سوڭعى ەكى جىلدا تۇرعىن ءۇيى جوق ازاماتتار).
ولارعا تۇرعىن ءۇي جالعا بەرۋ مەرزىمىن ۇزارتۋ قۇقىعىنسىز 5 جىلعا بەرىلەدى. كورسەتىلگەن ۋاقىت ىشىندە ازاماتتىڭ كەيىننەن باسقا جەكە تۇرعىن ءۇي ساتىپ الۋ ءۇشىن باستاپقى جارناعا قارجى جيناۋ مۇمكىندىگى بار. ج ا و- دا كەزەكتە تۇرعان از قامتامتىلعان وتباسىلارىن ق ت ق ج ب ارقىلى نەسيەلەندىرۋ (باقىتتى وتباسى)
بۇل باعىتقا كەزەكتە تۇرعان كەلەسى ساناتتاعى ازاماتتار قاتىسا الادى:
- كوپ بالالى وتباسىلار؛
- تولىق ەمەس وتباسىلار؛
- مۇگەدەك بالالاردى تاربيەلەپ وتىرعان وتباسىلار.
وسى باعىت شەڭبەرىندە از قامتىلعان وتباسىلاردى «قازاقستاننىڭ تۇرعىن ءۇي قۇرىلىس جيناق بانكى» ا ق ارقىلى جىلدىق %2، باستاپقى جارنا %10 دان كەم ەمەس بولعان جاعدايدا 20 جىلعا دەيىنگى مەرزىمگە نەسيە بەرۋ كوزدەلگەن. سونىمەن قاتار، اكىمدىك باستاپقى جارنانىڭ ءبىر ميلليون تەڭگە كولەمىندەگى بولىگىن جابۋ ءۇشىن تۇرعىن ءۇي سەرتيفيكاتتارىن ۇسىنۋدى قاراستىرعان.
الەۋمەتتىك نەسيەلىك تۇرعىن ءۇي بۇل باعىتقا بانك سالىمشىلارى بولىپ تابىلاتىن اكىمدىك كەزەگىندە تۇرعاندار قاتىسا الادى. وسى باعىت شەڭبەرىندە ق ت ق ج ب قارىز سوماسىنىڭ كەمىندە %20 باستاپقى جارنا بولعان كەزدە 25 جىلعا دەيىنگى نەسيە بەرۋ مەرزىمىمەن جىلدىق %5 دان اسپايتىن مولشەرلەمە بويىنشا قارىز بەرەدى.
ايتا كەتەيىك، نۇر-سۇلتاندا بۇگىنگى تاڭدا 46480 ادام كەزەكتە تۇر. ونىڭ ىشىندە كوپ بالالى وتباسىلار - 4 19؛ حالىقتىڭ الەۋمەتتىك جاعىنان وسال توپتارى - 17942، ىشىندە مۇگەدەك بالالارى بار نەمەسە ولاردى تاربيەلەپ وتىرعان وتباسىلار - 2023؛ جەتىم بالالار-2692؛ مەملەكەتتىك قىزمەتشىلەر مەن بيۋجەتتىك ۇيىمدار قىزمەتكەرلەرى - 21436؛ جالعىز تۇرعىن ءۇيى اپاتتى دەپ تانىلعان ازاماتتار - 91.
زاڭعا سايكەس حالىقتىڭ الەۋمەتتىك جاعىنان وسال توپتارى (ۇ و س قاتىسۋشىلارى مەن مۇگەدەكتەرى؛ جەتىم بالالار؛ كوپ بالالى وتباسىلار؛ تولىق ەمەس وتباسىلار؛ مۇگەدەك بالالاردى تاربيەلەپ وتىرعان وتباسىلار؛ جاسى بويىنشا زەينەتكەرلەر؛ I جانە II توپتاعى مۇگەدەكتەر؛ ورالماندار جانە ت. ب.)، مەملەكەتتىك قىزمەتشىلەر، بيۋجەتتىك ۇيىمداردىڭ قىزمەتكەرلەرى، اسكەري قىزمەتشىلەر جانە جالعىز تۇرعىن ءۇيى اپاتتى دەپ تانىلعان ادامدار كەزەككە تۇرا الادى.