قازاقستان وپەك+ كەلىسىمىنىڭ تالاپتارىن ورىندايدى

نۇر- سۇلتان. قازاقپارات - قازاقستان وپەك+ كەلىسىمىنىڭ تالاپتارىن ساقتايدى. بۇل تۋرالى ورتالىق كوممۋنيكاتسيالار قىزمەتىندە ق ر ەنەرگەتيكا ۆيتسە- ءمينيسترى اسەت ماعاۋوۆ ءمالىم ەتتى، دەپ حابارلايدى قازاقپارات ءتىلشىسى.

الەمدىك مۇناي نارىعىندا تۇراقتىلىقتى جانە مۇناي باعاسىن قالپىنا كەلتىرۋ ءۇشىن وپەك+ كەلىسىمىنە قاتىسۋشى مەملەكەتتەر ءوندىرۋدى قىسقارتۋ تۋرالى كەلىسىمگە كەلدى. ونىڭ اتاپ وتۋىنشە، 2020 -جىلعى مامىر- ماۋسىمدا ەلدەر جيىنتىق ءوندىرۋدى تاۋلىگىنە 9,7 ميلليون باررەلگە نەمەسە باستاپقى دەڭگەيگە قاتىستى 23 پايىزعا قىسقارتادى. سودان كەيىن 2020 -جىلعى شىلدە- جەلتوقسان ايلارىندا بۇل شەكتەۋ تاۋلىگىنە 7,7 ميلليون باررەل نەمەسە بازالىق دەڭگەيدەن %18 دى، ال 2021 -جىلعى قاڭتاردان باستاپ 2022 -جىلعى ساۋىرگە دەيىن شەكتەۋ كولەمى بازالىق دەڭگەيدەن % 14 دى قۇرايتىندى.

«نارىقتىڭ بارلىق قاتىسۋشىلارى اتالعان شەشىمگە تۇسىنىستىكپەن قارادى. وسى قادامدار مۇناي يندۋسترياسىنىڭ دامۋىنا وڭ سەرپىن بەرەدى دەپ كۇتىلۋدە. قازاقستان تاراپى ماي- ماۋسىم ايلارىندا ءىرى جانە شاعىن كەن ورىندارى بويىنشا مۇناي ءوندىرۋدى شەكتەۋ تۋرالى شەشىمدى قابىلدادى» ، - دەدى ءا. ماعاۋوۆ.

ايتا كەتەيىك، وسى كەلىسىم بويىنشا قازاقستاننىڭ مىندەتتەمەلەرى تاۋلىگىنە 390 مىڭ باررەلدى قۇرايدى. وپەك+ كەلىسىمى مۇناي قويمالارىنىڭ تولىپ كەتۋىن بولدىرماۋ ءۇشىن قاجەت. ويتكەنى وپەك كوروناۆيرۋس پاندەمياسى سالدارىنان مۇنايعا الەمدىك سۇرانىستىڭ تومەندەۋى بولجامىن ناشارلاتتى.